بريۋسسەلدە قازاقستاننىڭ كوپ ۆەكتورلى سىرتقى ساياساتى تۋرالى كىتاپتىڭ تۇساۋكەسەرى ءوتتى

استانا. KAZINFORM - سەيسەنبى كۇنى بريۋسسەل باسپا ءسوز كلۋبىندا فرانتسۋز پروفەسسورى وليۆە اريفوننىڭ «بايانداۋ ارقىلى ديپلوماتيا - ازياداعى جاڭا جۇمساق كۇش» كىتابىنىڭ تۇساۋكەسەرى ءوتتى.

кітаптың тұсаукесері
Фото: видеодан алынған кадр

فرانسياداعى ليلل كاتوليكتىك ۋنيۆەرسيتەتىنىڭ ساياسي كوممۋنيكاتسيا پروفەسسورى وليۆە اريفون بريۋسسەلدە كەڭەسشى بولىپ تا جۇمىس ىستەيدى. ول زەرتتەۋشى رەتىندە ەۋروپا مەن ازيادا 20 جىل ەڭبەك ەتتى. بۇعان دەيىن «قىتاي ساياساتىنا شولۋ: جۇمساق كۇش، كوممۋنيكاتسيا، ىقپال» كىتابىن جاريالاعان (Le récit politique china’s: Soft power، communication, influence. L’Harmattan, 2021).

«بايانداۋ ارقىلى ديپلوماتيا - ازياداعى جاڭا جۇمساق كۇش» كىتابىنىڭ باسىم بولىگى قازاقستان مەملەكەتىنىڭ قالىپتاسۋ تاريحى مەن كوپۆەكتورلى ساياساتىنا ارنالعان. سونىمەن قاتار وندا ەلدىڭ «ورتا دەرجاۆا» رەتىندە قالىپتاسىپ كەلە جاتقانى جازىلادى.

شاراعا ديپلوماتيالىق كورپۋستىڭ، ەو ساراپشىلار قاۋىمداستىعىنىڭ وكىلدەرى جانە قازاقستاننىڭ بەلگياداعى ەلشىسى مارعۇلان بايمۇحان قاتىستى.

قازاقستاندىق ديپلومات فرانسۋز عالىمىنىڭ بۇل ەڭبەگى قازاقستاندىق-ەۋروپالىق قارىم-قاتىناستاردى زەرتتەۋگە، دامىتۋعا جانە نىعايتۋعا مۇددەلى ساراپشىلار مەن ديپلوماتتار ءۇشىن ەرەكشە قىزىقتى بولاتىنىن اتاپ ءوتتى.

وسىعان دەيىن «ۇلتتىق قۇندىلىقتاردى دامىتۋعا باعىتتالعان ناقتى شارالار قاجەت»، دەگەن تاقىرىپتا ساراپشىمەن بولعان سۇحباتتى جاريالاعان ەدىك.

سوڭعى جاڭالىقتار