22:25, 02 - شىلدە 2025 | GMT +5
بەرليندە الەمدەگى ەڭ ءيىسى جاعىمسىز گۇل گۇلدەدى
استانا. KAZINFORM - دۇنيەجۇزىندەگى ەڭ ءيىسى جاعىمسىز گۇل بىرنەشە جىلدا ءبىر-اق رەت گۇلدەپ، بۇل پروتسەسس بىرنەشە كۇنگە سوزىلادى، دەپ جازدى DW.
تيتانيكالىق امورفوفاللۋس گۇلىنەن مۇڭكىگەن ءيىس شىرىگەن جۇمىرتقا مەن ساسىپ كەتكەن بالىقتىڭ ءيىسىن ەسكە سالسا كەرەك. ول تەك بىرنەشە جىلدا ءبىر رەت، شامامەن 72 ساعاتقا گۇلدەيدى. قاشان قايتا گۇلدەيتىنىن بولجاۋ ءىس جۇزىندە مۇمكىن ەمەس.
يندونەزيانىڭ سۋماترا ارالىنان شىققان، فالليكالىق پىشىندەگى تروپيكالىق وسىمدىك الەمدەگى ەڭ ءىرى گۇلشوعىرىنا يە - بيىكتىگى 3 مەترگە دەيىن جەتەدى.
گۇلدىڭ گۇلدەۋى 2-شىلدەدە اياقتالادى دەپ كۇتىلەدى. بۇل گۇلدى كورۋگە ءارى ءيىسىن يىسكەپ، سەزىنۋگە بەرلين بوتانيكالىق باقشاسىنا بارۋعا بولادى.
