بەردەنوۆ وزىنە جاسالعان قاستاندىقتان كەيىن پارتياداعى قىزمەتىنەن كەتتى
استانا. KAZINFORM - شىمكەنت اكىمىنىڭ ورىنباسارى رۋسلان بەردەنوۆ Respublica پارتياسىنىڭ تەڭ ءتوراعاسى قىزمەتىنەن كەتتى.
اقپاراتتى پارتيانىڭ باسپا ءسوز قىزمەتى راستادى. 2025-جىلعى اقپاندا رۋسلان بەردەنوۆ شىمكەنت اكىمىنىڭ ورىنباسارى قىزمەتىنە تاعايىندالعان بولاتىن.
«مەملەكەتتىك قىزمەت تۋرالى» زاڭنىڭ 10-بابى 5-تارماقشاسىنا سايكەس مەملەكەتتىك قىزمەتشىلەر ءوز لاۋازىمدىق وكىلەتىن جۇزەگە اسىرۋ كەزىندە ساياسي پارتيالاردان، قوعامدىق جانە ءدىني بىرلەستىكتەردەن تاۋەلسىز جانە بەيتاراپ بولۋعا مىندەتتى. بۇگىندە بەردەنوۆ Respublica پارتياسىنىڭ قۇرىلىمىندا قانداي دا ءبىر باسشىلىق لاۋازىم اتقارمايدى. ءبىراق پارتيا مۇشەسى رەتىندە قالا بەرەدى»، - دەپ مالىمدەدى پارتيا وكىلى.
بۇعان دەيىن شىمكەنت اكىمدىگى رۋسلان بەردەنوۆ قالا اكىمىنىڭ ورىنباسارى قىزمەتىن اتقارىپ جاتقانىن جانە دەنساۋلىعىنا بايلانىستى دەمالىستا ەكەنىن حابارلاعان ەدى.
بەردەنوۆكە جاسالعان شابۋىل
ەسكە سالايىق، 21-ساۋىردە شىمكەنت قالاسى اكىمدىگى عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى.
پوليتسيا مالىمەتىنشە، كۇدىكتى ۇستالىپ، ۋاقىتشا ۇستاۋ يزولياتورىنا قامالعان، بۇل دەرەك بويىنشا قىلمىستىق ءىس قوزعالعان.
كەيىنىرەك رۋسلان بەردەنوۆتىڭ جاعدايى بەلگىلى بولدى.
