برازيلياداعى اتافونا قالاسى سۋعا باتىپ بارادى
استانا. قازاقپارات - برازيليادا اتلانت مۇحيتى جاعاسىندا ورنالاسقان ايگىلى اتافونا قالاسى اقىرىنداپ سۋعا باتىپ بارادى. وعان كليماتتىڭ وزگەرۋى سەبەپ. جاعاجايلاردا توپىراق ەروزياعا تەز ۇشىراعان.
سونداي- اق كەيىنگى 30 جىلدا اتلانت مۇحيتىنداعى سۋ دەڭگەيى 12 سانتيمەترگە كوتەرىلىپتى. جاعاجايعا جاقىن ورنالاسقان 500 گە جۋىق ءۇي قيراپ قالعان. ولاردى قالپىنا كەلتىرۋ مۇمكىن ەمەس. جەرىلىكتى بيلىك قولدان كەلگەنشە وزگە وڭىرلەردەن توپىراق تاسىپ، جاعالاۋدى نىعايتۋعا تىرىسىپ جاتىر. ءبىراق بۇعان كوپ قاراجات قاجەت. ب ۇ ۇ- نىڭ مالىمەتى بويىنشا كليماتتىڭ وزگەرۋى سەبەپتى كەيىنگى 10 جىلدا الەمدە مۇحيت دەڭگەيى 2 ەسە جىلدام كوتەرىلىپ بارادى.
ەدۋاردۋ بۋلوس، گەوگراف:
- اتافونا سەكىلدى اۋداندار ەروزياعا قاتتى ۇشىراعان. سودان بولجامدار بويىنشا الداعى 28 جىلدا جاعالاۋداعى ايماقتىڭ 150 مەترگە دەيىن قىسقارۋى مۇمكىن.
