برازيليا پرەزيدەنتى شۇعىل اۋرۋحاناعا جاتقىزىلدى

بۋەنوس- ايرەس. KAZINFORM - برازيليا پرەزيدەنتى لۋيس يناسيۋ لۋلا دا سيلۆا ميىنا قان قۇيىلىپ، شۇعىل اۋرۋحاناعا جاتقىزىلدى. ول قازان ايىندا قۇلاپ، باسىن قاتتى سوعىپ العان. دارىگەرلەر ىشكى قان كەتۋ قاۋپى بار ەكەنىن ەسكەرتكەن، دەپ جازادى ت ا س س.

سان- پاۋلۋ قالاسىنداعى Sírio-Libanês اۋرۋحاناسىنىڭ باسپا ءسوز- بايانىندا اتاپ وتىلگەندەي، مەملەكەت باسشىسى لۋلا دا سيلۆا باسى اۋىرعانىن سەزگەن سوڭ اۋرۋحاناعا جاتقىزىلعان.

- م ر ت 19- قازاندا بولعان ۇيدەگى جازاتايىم وقيعانىڭ سالدارىنان باسسۇيەك ىشىنە قان كەتكەنىن كورسەتتى. وپەراتسيا ەش قيىندىقسىز ءوتتى، - دەلىنگەن مەديتسينالىق مەكەمەنىڭ حابارلاماسىندا.

دارىگەرلەردىڭ ايتۋىنشا، پرەزيدەنت كرانيوتوميادان وتكەن. بۇل وپەراتسيا ءۇشىن باس سۇيەگىنىڭ ءبىر بولىگىن ۋاقىتشا الىپ تاستاۋ پروتسەدۋراسى.

- پرەزيدەنتتىڭ جاعداي قازىر جاقسى. ول جانساقتاۋ بولىمىندە باقىلاۋدا، - دەلىنگەن مالىمەتتە.

19- قازاندا لۋلا دا سيلۆا رەزيدەنتسياسىندا قۇلاپ، جاراقات العان. قان كەتۋ قاۋپىمەن اۋرۋحاناعا جەتكىزىلگەن. سول ءۇشىن پرەزيدەنت 22-24 قازاندا قازاندا وتكەن بريكس سامميتىنە بارعان جوق، ول بەينەكونفەرەنتسياعا قاتىستى.