بۋرابايدا رەسەيلىك ازاماتشا جۇمباق جاعدايدا كوز جۇمدى

адам өлімі
Фото: report.az

استانا. قازاقپارات - 11-ناۋرىز كۇنى تاڭعى ساعات جەتىدە شۋچينسك قالاسىندا بالداۋرەن لاگەرىنىڭ ماڭىندا ايەل ادامنىڭ مۇردەسى تابىلدى. بۇل تۋرالى @aqmolive جازدى.

1997-جىلى تۋعان تاتيانا ميحايلوۆا تۇسكى ۋاقىتتا قاڭعىباس يتتەردى تاماقتاندىرۋعا شىعىپ كەتكەن. ول ر ف ازاماتى ەكەنى بەلگىلى بولدى. سوڭعى ەكى جىلدا شۋچينسك قالاسىندا تۇرىپ جاتقان.

«دەنەسىندە زورلىق- زومبىلىقتىڭ ءىزى بايقالماعان. ازاماتشانىڭ دەنەسى مامانداندىرىلعان اۋدانارلىق سوتقا جولداندى»، - دەلىنگەن حابارلامادا.

بىرگە تۇرعان ازاماتتىڭ سوزىنشە، تاتيانا ساعات 19:00 شاماسىندا قوڭىراۋ شالىپ، ىستىق ۆاننا دايىنداپ قويۋىن وتىنگەن. قاتتى توڭىپ قالعانىن ايتىپ، جاقىن ۋاقىتتا ۇيگە ورالاتىنىن حابارلاعان. الايدا، وسى جاعدايدان كەيىن ازاماتشا بايلانىسقا شىقپاعان. الكوگولدىك ىشىمدىككە اۋەستىگى بولماعانى، ەسەپتە تۇرماعانى بەلگىلى بولدى.

اۆتور

باقىتگۇل اباي قىزى

سوڭعى جاڭالىقتار