بۋرابايدا ۇلتتىق قۇرىلتاي باستالدى

استانا. KAZINFORM — بۇل تۋرالى ق ر پرەزيدەنتى جانىنداعى ۇلتتىق قۇرىلتايدىڭ رەسمي پاراقشاسىندا حابارلاندى.

- ەكى كۇنگە جالعاساتىن جيىندا قۇرىلتاي مۇشەلەرى ەل دامۋىنىڭ باعىت-باعدارىن ايقىندايتىن وزەكتى ماسەلەلەردى تالقىعا سالادى، - دەلىنگەن حابارلامادا.

ءىس-شارانىڭ ءبىرىنشى كۇنىندە وتەتىن سەكسيالاردىڭ تاقىرىپتارى:

- ازاماتتىق قوعام؛
- مادەنيەت. ونەر. رۋحانيات؛
- ءبىلىم جانە عىلىم؛

- الەۋمەتتىك-ەكونوميكالىق دامۋ.

ۇلتتىق قۇرىلتاي جاندانعالى ەلدەگى الەۋمەتتىك-ەكونوميكالىق ماسەلەلەر شەشىم تاۋىپ كەلەدى. جىل وتكەن سايىن تاقىرىپ اياسى كەڭىدى، ايتىلاتىن سالماقتى وي ۇلعايدى. القالى جيىندا نازاردا بولعان كەمشىلىكتى تۇزەتۋ زاڭ شەڭبەرىندە بەكىپ، قوعامنىڭ وڭ باعىتقا بەت العانىن بايقايمىز. وسى ورايدا Kazinform ءتىلشىسى وتكەن قۇرىلتايلاردىڭ ناتيجەسىنە كوز جۇگىرتتى.

ەسكە سالساق، بۇدان بۇرىن قاسىم-جومارت توقايەۆ بۋرابايدا وتەتىن ۇلتتىق قۇرىلتايدىڭ IV وتىرىسىنا قاتىساتىنى ءمالىم بولدى.