بۇقتىرماعا سالىنىپ جاتقان كوپىر اقىلى بولۋى مۇمكىن
وسكەمەن. KAZINFORM - شىعىس قازاقستان وبلىسىنداعى بۇقتىرما سۋ قويماسىنا سالىنىپ جاتقان كوپىر اقىلى بولۋى مۇمكىن.
ش ق و جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنە سۇيەنسەك، كۇرشىم مەن سامار اۋداندارىن جالعايتىن بۇقتىرما سۋ قويماسىنداعى «قىزىل تۋ» وتكەلىنە سالىنىپ جاتقان كوپىر وسى جىلدىڭ قازان ايىنىڭ سوڭىندا اشىلادى دەپ جوسپارلانىپ وتىر.
قازىرگى ۋاقىتتا تىرەكتەردى سالۋ جانە ارالىقتاردى ورناتۋ جۇمىستارى تولىعىمەن اياقتالىپ، كىرمە جولدارعا اسفالت توسەلۋدە.
«كوپىرمەن ءجۇرۋ اقىلى بولۋى مۇمكىن. بۇگىندە بۇل ماسەلە تالقىلانىپ جاتىر. ناقتى شەشىم ءالى قابىلدانعان جوق»، - دەپ حابارلادى ۆەدومستۆو وكىلدەرى.
تۇپكىلىكتى شەشىم تاپسىرىس بەرۋشى - اۆتوموبيل جولدارى كوميتەتى كوپىردى جەرگىلىكتى اتقارۋشى ورگانعا بەرگەننەن كەيىن قابىلدانباق.
ەسكە سالساق، بۇقتىرماداعى ەكى جولاقتى اۆتوكولىك كوپىرى قازاقستانداعى سۋ ۇستىنە سالىنعان ەڭ ۇزىن قۇرىلىم بولاتىندىعى حابارلانعان.
اۆتور
تالعاتجان مۇحامەتبەك ۇلى
