بەنزين باعاسىنىڭ وسۋىندە ەشقانداي الىپساتارلىق فاكتور جوق - ەنەرگەتيكا مينيسترلىگى

ەنەرگەتيكا ءمينيسترى الماسادام ساتقاليەۆ بەنزين مەن ديزەل وتىنىنىڭ باعاسىنا قاتىستى پىكىر ءبىلدىردى، دەپ حابارلايدى kazinform.

"باعا بەلگىلەۋ كەزىندە ءبىز ەكى فاكتورعا سۇيەنەمىز: سۇرانىس پەن ۇسىنىستىڭ اراقاتىناسى. وسىعان بايلانىستى جاعداي تەڭدەستىرىلگەن. قازاقستاندا بەنزين ءوندىرىسىنىڭ بارلىق قاجەتتى كولەمى تولىق كولەمدە وندىرىلەدى. ياعني، بۇل ا ي-95 پەن ا ي-92. ءوندىرىستى ەسكەرگەندە ءبىز ىشكى تۇتىنۋدى تولىعىمەن جابامىز جانە ىشكى نارىقتى قامتاماسىز ەتەمىز. بەنزين باعاسىنىڭ وسۋىنە ەشقانداي الىپساتارلىق فاكتور جوق. سونىمەن قاتار، ءبىر اي بويى اتىراۋ م ءو ز جوندەۋدەن ءوتتى. قازىر ىسكە قوسۋ وپەراتسيالارى باستالدى. 2-قاراشا كۇنى اتىراۋ م ءو ز ىسكە قوسىلادى. مۇناي ونىمدەرىن تۇراقتى جەتكىزۋدى قامتاماسىز ەتۋ بولىگىندە جاعداي ودان دا تۇراقتى ءارى سەنىمدى بولادى، - دەدى الماسادام ساتقاليەۆ.

ونىڭ اتاپ وتۋىنشە، ديزەل وتىنىنا قاتىستى احۋال تۇراقتى.

"بۇل ديزەل وتىنىنا دا قاتىستى. سونىمەن قاتار، ءبىز ىشكى نارىقتا ديزەل وتىنىنىڭ ءپروفيتسيتىن بولجايمىز. ەكىنشى اسپەكت مەملەكەتتىك رەتتەۋمەن بايلانىستى. مۇناي ونىمدەرىنىڭ رەتتەلەتىن تۇرلەرى بار. ولار قاتاڭ باقىلاۋعا يە- شەكتى باعادان جوعارى، باعا وسپەيدى. ءبىراق رەتتەلمەگەن باعا دا بار. وندا باعانى انىقتايتىن فاكتور ىشكى ونىمدەر مەن ىرگەلەس مەملەكەتتەردەن يمپورتتالاتىن اراقاتىناس بولادى. ەگەر يمپورت كولەمى جوعارى بولسا، مۇناي ونىمدەرىنىڭ باعاسى تيىسىنشە جوعارى بولادى"، - دەدى ەنەرگەتيكا ءمينيسترى.