بەلگىلى جۋرناليست قىزىلوردا قالاسى اكىمىنىڭ ورىنباسارى بولىپ تاعايىندالدى
قىزىلوردا. KAZINFORM - قىزىلوردا قالاسى اكىمىنىڭ ورىنباسارى بولىپ بەلگىلى جۋرناليست باقىتجان وماروۆ تاعايىندالدى.
باقىتجان باۋىرجان ۇلى 1987-جىلى دۇنيەگە كەلگەن. ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن حالىقارالىق قاتىناستار (2008-جىل)، جۋرناليستيكا (2010-جىل) ماماندىقتارى بويىنشا ءتامامداعان.
ەڭبەك جولىن 2008-جىلى رەسپۋبليكالىق «قازاقستان» تەلەراديوكورپوراتسياسىندا رەداكتورلىقتان باستاپ، 2009-2012-جىلدار ارالىعىندا وسى كورپوراتسيادا ءتۇرلى قىزمەت اتقارعان.
2012-2025-جىلدارى تۇركيا مەملەكەتىنىڭ انكارا قالاسىنداعى تەلەراديوكورپوراتسياسىندا جاڭالىقتار جۇرگىزۋشىسى، «حابار-24» تەلەارناسىنىڭ باس رەداكتورى، قىزىلوردا وبلىسى اكىمىنىڭ باسپا ءسوز حاتشىسى، ق ر مادەنيەت جانە اقپارات مينيسترلىگىنىڭ تۇركسوي ۇيىمىنداعى وكىلى بولىپ ەڭبەك ەتكەن.
2025-جىلدىڭ اقپان ايىنان باستاپ بۇگىنگى كۇنگە دەيىن قىزىلوردا وبلىسى اكىمى اپپاراتى باسشىسىنىڭ ورىنباسارى لاۋازىمىن اتقارىپ كەلدى.
ول جاڭا قىزمەتتە قوعامدىق دامۋ، جۇمىسپەن قامتۋ جانە الەۋمەتتىك باعدارلامالار، دەنە تاربيەسى، سپورت جانە تۋريزم، مادەنيەت جانە تىلدەردى دامىتۋ بولىمدەرىنە جەتەكشىلىك ەتپەك.
بۇعان دەيىن قىزىلوردا وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى بولىپ جانمۇرات سەيىلوۆ تاعايىندالدى.
