بەلگىلى عالىم سەيىت قاسقاباسوۆ ومىردەن ءوتتى
استانا. KAZINFORM - بەلگىلى ادەبيەتتانۋشى، فولكلورتانۋشى عالىم، ۇلتتىق عىلىم اكادەمياسىنىڭ اكادەميگى، فيلولوگيا عىلىمدارىنىڭ دوكتورى، ق ر مەملەكەتتىك سىيلىقتىڭ لاۋرەاتى سەيىت قاسقاباسوۆ ومىردەن ءوتتى.
قارالى حاباردى مۇحتار اۋەزوۆ اتىنداعى ادەبيەت جانە ونەر ينستيتۋتى باسپا ءسوز قىزمەتى جەتكىزدى.
سەيىت اسقار ۇلى قاسقاباسوۆ 1940 -جىلى 24 - ماۋسىم كۇنى سەمەي قالاسىندا دۇنيەگە كەلگەن. 1947 -جىلى سەمەي قالاسىنىڭ جاڭاسەمەي بولىگىندەگى №5 ورتا مەكتەپكە وقۋعا بارادى.
1970-1981 -جىلدارى قازاق ك س ر عىلىم اكادەمياسىنىڭ قوعامدىق عىلىمدار بولىمشەسىندە عىلىمي حاتشىسى، ءارى «قازاق ك س ر عىلىم اكادەمياسىنىڭ حابارلارى» اتتى جۋرنالىنىڭ جاۋاپتى حاتشىسى بولدى.
1981-1983 -جىلدارى - ماسكەۋدەگى ك س ر و عىلىم اكادەمياسىنىڭ م. گوركي اتىنداعى الەم ادەبيەتى ينستيتۋتىندا اعا عىلىمي قىزمەتكەر.
1983 -جىلدان الماتىداعى م. اۋەزوۆ اتىنداعى ادەبيەت جانە ونەر ينستيتۋتىندا اعا، جەتەكشى عىلىمي قىزمەتكەر بولىپ جۇمىس ىستەگەن.
1989 -جىلى ماسكەۋ مەملەكەتتىك ۋنيۆەرسيتەتىندە «قازاق حالىق پروزاسىنىڭ جانرلارى» دەگەن تاقىرىپتا دوكتورلىق ديسسەرتاتسيا قورعاعان.
1988 -جىلى قازاقستان كومپارتياسى ورتالىق كوميتەتىندە كونسۋلتانت قىزمەتىنە تاعايىندالىپ، ادەبيەت جانە ونەر سالاسىنا جاۋاپتى بولعان جانە ساياسي رەپرەسسياعا ۇشىراعان ج. ايماۋىتوۆ، ا. بايتۇرسىنوۆ، م. جۇمابايەۆ، م. دۋلاتوۆ، ت. ب. ارىستارىمىزدى اقتاۋ جۇمىسىنا قاتىسىپ، قاجەتتى قۇجاتتاردى دايىنداعان.
1990 -جىلى ورتالىق كوميتەتتە جاڭادان قۇرىلعان ساياسي پروتسەستەر سوتسيولوگياسى ورتالىعىن باسقارعان. مۇندا سونداي-اق يدەولوگيالىق كوميسسياسىنىڭ مۇشەسى ءارى ورتالىق جەتەكشىسى رەتىندە كەزىندە قاتە قابىلدانعان كوپتەگەن ساياسي- پارتيالىق قۇجاتتاردىڭ كۇشىن جويۋ جانە جازىقسىز تىيىم سالىنعان اقىن- جازۋشىلار مەن قايراتكەرلەردى اقتاۋ قاجەتتىگى تۋرالى جۇمىس توبىن باسقارعان.
1991 - 1992 -جىلدارى قازاقستان پرەزيدەنتى مەن قازاقستان مينيسترلەر كابينەتىنىڭ اپپاراتىندا مادەنيەت سەكتورىنىڭ جەتەكشىسى، ءبىلىم، عىلىم جانە سپورت، جاستار ءىسى ءبولىمىنىڭ ورىنباسارى بولعان.
1992 -جىلى قازاقستان جوعارى اتتەستاتسيالىق كوميسسياسىنىڭ ءتوراعاسىنا تاعايىندالىپ، ج ا ق- تى قۇرىپ، عىلىمي دارەجەلەر مەن عىلىمي اتاقتاردى بەرۋگە جانە عالىمداردى اتتەستاتسيالاۋ- عا قاجەتتى ەرەجەلەردى جازعان.
1993 -جىلى ت م د ەلدەرى جوعارى اتتەستاتسيالىق كوميسسيالارىنىڭ اسسوتسياتسياسىن قۇرىپ، ونىڭ ءتوراعالىعىنا سايلانعان.
1994 - 1997 -جىلدارى - م. اۋەزوۆ اتىنداعى ادەبيەت جانە ونەر ينستيتۋتىندا ينستيتۋت ديرەكتورىنىڭ ورىنباسارى، قولجازبا جانە تەكستولوگيا ءبولىمىنىڭ مەڭگەرۋشىسى.
1997 - 2001 -جىلدارى استانا قالاسىنداعى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە «ەۋرازيا» عىلىمي ورتالىعىن، شىعىستانۋ فاكۋلتەتىن ۇيىمداستىرىپ، باسقارعان، قازاق فولكلورى مەن ادەبيەت تاريحى بويىنشا ءدارىس وقىعان.
2001-2011 -جىلدارى م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى قىزمەتىن اتقاردى.
2011 -جىلدان باستاپ ينستيتۋتتىڭ «فولكلور تانۋ» ءبولىمىنىڭ مەڭگەرۋشىسى جانە باس عىلىمي قىزمەتكەر رەتىندە قىزمەت اتقاردى.
«كازاحسكايا ۆولشەبنايا سكازكا» (1972)، «قازاقتىڭ حالىق پروزاسى» (1984)، «رودنيكي يسكۋسستۆا» (1986)، «كولىبەل يسكۋسستۆا» (1990)، «كازاحسكايا نەسكازوچنايا پروزا» (1992)، «اباي جانە فولكلور» (1995)، «زولوتايا جيلا» (2000)، «جانازىق» (2002)، «قوزى كورپەش- بايان سۇلۋ. قىز جىبەك. قازاقتىڭ عاشىقتىق جىرلارى» (2003)، «XV- XVIII عاسىرلارداعى قازاق ادەبيەتى» (2005)، «و فولكلورە ي نە تولكو» (2005) «ەلزەردە» (2008) سياقتى مونوگرافيالار مەن زەرتتەۋلەر كىتابىنىڭ جانە 300 دەن اسا زەرتتەۋ جۇمىسىنىڭ اۆتورى.
