بەلگيالىق ايەل مارافونعا جىل بويى قاتىسىپ، رەكورد ورناتتى

استانا. قازاقپارات - 55 جاستاعى سپورتشى ءبىر جىل ىشىندە كەمىندە 15,4 مىڭ شاقىرىم جۇگىردى، دەپ حابارلايدى قازاقپارات  Euronews-كە سىلتەمە جاساپ.

بەلگيالىق حيلدە دوزون 2024 -جىلى كۇن سايىن مارافونعا قاتىسقان الەمدەگى العاشقى ايەل بولدى. سەيسەنبى كۇنى ول گەنتتە مارە سىزىعىن سوڭعى رەت كەسىپ ءوتتى. ەندى جەلاياق ايەل گيننەستىڭ رەكوردتار كىتابىنا ەنگىزۋ ءۇشىن قۇجاتتارىن تاپسىرۋى كەرەك.

- مەن ءۇشىن پسيحيكالىق تۇرعىدان گورى فيزيكالىق سترەسس اۋىر بولدى. ارينە، فيزيكالىق تۇرعىدا ءبارى تارتىپپەن بولۋى كەرەك، ايتپەسە كۇندە ءتورت ساعات جۇگىرە المايسىڭ. ءبىراق ستارت سىزىعىنا كۇن سايىن شىعۋ پسيحيكاعا ۇلكەن سالماق تۇسىرەدى، - دەپ ءبولىستى حيلدە تاجىريبەسى تۋرالى.

55 جاستاعى سپورتشى ءبىر جىلدا 15 مىڭ شاقىرىمنان استام جۇگىرىپ قانا قويماي، ءسۇت بەزى وبىرىن ەمدەۋگە ارنالعان اكسيالارى كەزىندە 60 مىڭ ەۋرو جيناعان. ول 2023 -جىلى 150 كۇن مارافونعا قاتىسقان اۋستراليالىق ەرچانە ميۋررەي-بارتلەتتتىڭ رەكوردىن جاڭارتا الدى.

قازاقستاندىق اۋىر اتلەت قاتاردا ەكى رەت رەكورد ورناتقانىن جازعان بولاتىنبىز.

اۆتور

زارينا تۋعانبايەۆا