بۇلتارتپاس شىندىق. دەپۋتات قاراقات ابدەن جاسوسپىرىمدەر اراسىندا تاراعان تەندەنسيا جايلى ايتتى

ءماجىلىس دەپۋتاتى قاراقات ابدەن ەسىرتكىنى جارنامالايتىن سايتتاردى جويۋ كەرەگىن ايتتى.

«بۇگىنگى تاڭدا الەۋمەتتىك جەلىلەر بەلسەندى پايدالانۋشىلاردىڭ كوزقاراسىن، ۇستانىمىن جانە كوڭىل-كۇيىن قالىپتاستىرادى. اسىرەسە، جەلىلەر ارقىلى اقپارات كامەلەتكە تولماعاندار ءۇشىن بۇلتارتپاس شىندىق بولىپ كورىنەدى. بۇل ءۇردىستى ءارتۇرلى پاراقشالاردىڭ اكىمشىلەرى پايدالانىپ جاتىر. ونىڭ ءبىرى بالالاردى، جاستاردى «جۇمىسقا تۇرعىزامىز ءارى وڭاي قوسىمشا تابىس كوزىن كورسەتەمىز» دەپ ولاردى ەسىرتكىنى ساتۋعا، ناركوكۋرەر قىلىپ جۇمىسقا العان فاكتىلەر وتە كوپ»، - دەيدى دەپۋتات ۇكىمەت ساعاتىندا.

ابدەنننىڭ سوزىنشە، مۇنداي اقپارات تاراتاتىن سايتتاردى انىقتاپ، جويۋ كەرەك.

ىشكى ىستەر ءمينيسترى ەرجان سادەنوۆتىڭ ايتۋىنشا، بۇگىنگى تاڭدا 6 مىڭ ەسىرتكى جارنامالاعان سايت انىقتالىپ، بۇعاتتالدى. تاعى 1700 ى انىقتالىپ، ونىڭ الدىن الۋ جۇمىستارى ىستەلىپ جاتىر. OLX بويىنشا ىشكى ىستەر مينيسترلىگى 4 مىڭنان استام ادامدى (ەسىرتكى جاسىرۋشى - ەسك. ) انىقتاعان.