بۇكىل ەل بويىنشا قىزىلشاعا قارسى ۆاكسيناتسيا باستالدى

قازاقستاندا قىزىلشا بويىنشا قولايسىز ەپيدەميولوگيالىق جاعداي قالىپتاستى. جىل باسىنان بەرى قىزىلشانىڭ 12671 جاعدايى تىركەلدى، ونىڭ ىشىندە 10563 ناۋقاس - 14 جاسقا دەيىنگى بالالار، جاسوسپىرىمدەر – 354، ەرەسەكتەر - 1754، دەپ حابارلايدى Kazinform.

70 پايىز نەمەسە 8866 جاعداي - ۆاكسينا الماعان بالالار.

ونىڭ ىشىندە ۆاكسيناتسيادان باس تارتۋ سەبەبىنەن - 5 286, مەديتسينالىق قارسى

كورسەتىلىم – 1555، ەگۋ جاسىنا جەتپەۋ – 1930، وزگە سەبەپتەر - 93.

تاعى 16 پايىز نەمەسە 2062 جاعداي - بەلگىسىز ۆاكسيناتسيا مارتەبەسى بار ادامدار.

قىزىلشا ەلدىڭ بارلىق وڭىرىندە كوپتەپ تىركەلىپ جاتىر.

قىزىلشامەن سىرقاتتانۋ بويىنشا ەپيدەميولوگيالىق جاعدايدى تۇراقتاندىرۋ ءۇشىن شۇعىل دەن قويۋ شارالارى قابىلدانادى.

وسىلايشا 1-قاراشادا باس مەملەكەتتىك سانيتار قىزىلشاعا قارسى ەكپە ناۋقانىن باستاۋ جونىندە ارنايى قاۋلى شىعاردى.

كورسەتىلگەن قاۋلىعا سايكەس 6 قاراشادان باستاپ قىزىلشاعا، قىزامىققا جانە پاروتيتكە (ق ك پ) قارسى 6-11 ايلىق بالالارعا، جەلتوقساننان باستاپ - قىزىلشانىڭ ەگۋ مارتەبەسىنە قاراماستان 2-4 جاسار بالالارعا قوسىمشا جاپپاي يممۋنداۋ جاسالادى.