ەڭبەك قاۋىپسىزدىگى ماماندارىن دايارلايتىن وقۋ ورتالىعى اشىلادى

استانا. KAZINFORM - ەلىمىزدە حالىقارالىق ەڭبەك ۇيىمىنىڭ جوبالىق كەڭسەسى جۇمىسىن باستادى. بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ايتتى.

- قازاقستانعا بىلتىر العاش رەت حالىقارالىق ەڭبەك ۇيىمىنىڭ (ح ە ۇ) باس ديرەكتورى رەسمي ساپارمەن كەلدى. سونىڭ ناتيجەسىندە قازاقستاندا بيىل جوبالىق كەڭسە (حالىقارالىق ەڭبەك ۇيىمىنىڭ وفيسى - رەد.) اشىلىپ، جۇمىسىن باستادى، - دەدى ول ۇكىمەت وتىرىسىندا.

سونداي-اق ۆەدومستۆو باسشىسى ەڭبەك قاۋىپسىزدىگى ماماندارىن ءوز ەلىمىزدە دايارلايتىن وقۋ ورتالىعى اشىلاتىنىن ايتتى.

- ەڭبەك رەسۋرستارىن دامىتۋ ورتالىعى بازاسىندا حالىقارالىق ەڭبەك ۇيىمىنىڭ تۋريندىك وقۋ ورتالىعىنىڭ فيليالىن اشۋ باعىتىندا بەلسەندى جۇمىس جۇرگىزىپ جاتىرمىز، - دەدى سۆەتلانا جاقىپوۆا.

ءمينيستردىڭ ايتۋىنشا، بۇل ورتالىق مىنانداي:

- شەتەلگە شىعۋدى قاجەت ەتپەستەن ەڭبەك قاۋىپسىزدىگى ماماندارىن جۇيەلى جانە ساپالى دايىنداۋدى ۇيىمداستىرۋ؛

- حالىقارالىق وزىق تاجىريبەنى ەسكەرە وتىرىپ ۇلتتىق كادرلاردىڭ بىلىكتىلىگىن ارتتىرۋ؛

- الەۋمەتتىك ارىپتەستەر، مەملەكەتتىك ورگاندار جانە حالىقارالىق ۇيىمدار اراسىنداعى ينستيتۋتسيونالدىق بايلانىستاردى نىعايتۋ؛

- ورتالىق ازيادا ەڭبەك قورعاۋ سالاسىنداعى ايماقتىق قۇزىرەت ورتالىعى رەتىندە قازاقستاننىڭ ءرولىن كۇشەيتۋ سىندى مۇمكىندىكتەرگە جول اشادى.

ايتا كەتەيىك، قازاقستانعا ەڭبەك ميگرانتتارى ەڭ كوپ كەلەتىن 4 ەل بەلگىلى بولدى.