ەڭبەك جولى بايقاۋىنىڭ وڭىرلىك كەزەڭىنىڭ جەڭىمپازدارى انىقتالدى
ەلوردادا جاستار اراسىندا جۇمىسشى ماماندىقتارىن ناسيحاتتاۋعا جانە ەڭبەك تاربيەسىن الدىڭعى ورىنعا قويعان اۋلەتتەردىڭ كوپجىلدىق ءداستۇرىن نىعايتۋعا باعىتتالعان «ەڭبەك جولى» رەسپۋبليكالىق كونكۋرسىنىڭ وڭىرلىك كەزەڭىنىڭ جەڭىمپازدارى ماراپاتتالدى، دەپ حابارلايدى قازاقپارات.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، كونكۋرس وڭىرلىك جانە رەسپۋبليكالىق دەڭگەيدە ءۇش نوميناتسيا بويىنشا وتكەن: «ۇزدىك ەڭبەك اۋلەتى» - ەڭبەك ءوتىلى ەڭ ۇزاق، ماراپاتى ەڭ كوپ اۋلەت، «جۇمىس ىستەيتىن جاستاردىڭ ۇزدىك تالىمگەرى» - جۇمىس ءوتىلى كەمىندە 20 جىل، ءتيىمدى جۇمىس ىستەيتىن تالىمگەر، «ءوندىرىستىڭ ۇزدىك جاس مامانى» - جۇمىس ءوتىلى 5 جىلدان اسپايتىن ءوندىرىستىڭ ەڭ بەلسەندى جانە ەڭبەكقور قىزمەتكەرى تاڭدالادى.
بيىل كونكۋرسقا قاتىسۋ ءۇشىن قازاقستاننىڭ بارلىق وڭىرىنەن 591 ءوتىنىش تۇسكەن. استانا قالاسى بويىنشا 80 ءوتىنىش قابىلداندى: «ۇزدىك ەڭبەك اۋلەتى» نوميناتسياسىندا 15 ءوتىنىش، « ءوندىرىستىڭ ۇزدىك جاس مامانى» نوميناتسياسىندا 33 ءوتىنىم، «جۇمىس ىستەيتىن جاستاردىڭ ۇزدىك تالىمگەرى» نوميناتسياسىندا 32 ءوتىنىم.
بايقاۋدىڭ وڭىرلىك كەزەڭىنىڭ قورىتىندىسى بويىنشا ەلوردادا «ۇزدىك ەڭبەك اۋلەتى» نوميناتسياسى بويىنشا «ق ت ج» ۇ ك» ا ق- دا جۇمىس ىستەيتىن امانگەلدينوۆتار وتباسى ءبىرىنشى ورىندى يەلەندى. «جۇمىس ىستەيتىن جاستاردىڭ ۇزدىك تالىمگەرى» نوميناتسياسىندا №38 مەكتەپ- ليتسەيىنىڭ تاريح ءپانىنىڭ ءمۇعالىمى گۇلزيا يمانبايەۆا جەڭىسكە جەتتى. «ءوندىرىستىڭ ۇزدىك جاس مامانى» نوميناتسياسى بويىنشا ءبىرىنشى ورىندى «استانا- ا ە ك» ا ق II ساناتتى ينجەنەرى اينۇر بايباتىروۆا يەلەندى.
«جۇلدەلى ورىنعا يە بولعان ازاماتتار مەن بارشا كونكۋرسانتىمىز - قوعامىمىزدى العا جەتەلەيتىن جانە ادامي قۇندىلىقتاردى بەينەلەيتىن ۋاقىت تالابىنا ساي زاماناۋي قايسار كەيىپكەرلەر. ەڭبەكقور، تالانتتى، الدىنا ماقسات قويا بىلەتىن قاتىسۋشىلارىمىزعا قاراپ، ءبىز ولاردىڭ ۇلگىسىمەن جانە ومىرلىك تاجىريبەسىمەن جىگەرلەنەمىز، كۇش- قۋات الىپ، بولاشاققا نىق سەنىممەن قارايمىز. ەگەر ەلىمىزدىڭ بارلىق ازاماتى، اسىرەسە جاستار، ءبىزدىڭ كونكۋرسقا قاتىسۋشىلار سياقتى ەڭبەكقور جانە ءبىلىمدى بولسا، بيىك بەلەستەردى باعىندىرارى انىق. بارشاڭىزدى كەلە جاتقان ەڭبەك كۇنىمەن قۇتتىقتايمىن! ءارقايسىمىزدىڭ ەڭبەگىمىز قوعامىمىزدىڭ ورنىقتى دامۋى مەن ەلىمىزدىڭ وركەندەۋىنىڭ نەگىزى بولسىن!» - دەدى جەڭىمپازداردى قۇتتىقتاۋ راسىمىندە ق ر ەڭبەك جانە حالىقتى الەۋمەتتىك قورعاۋ ءبىرىنشى ۆيتسە- ءمينيسترى اقمادي سارباسوۆ.
بايقاۋدىڭ استاناداعى وڭىرلىك كەزەڭنىڭ جەڭىمپازدارى ەندى رەسپۋبليكالىق كەزەڭدە ەلوردا اتىنان باق سىنايدى. «ەڭبەك جولى - 2023» لاۋرەاتتارىن ماراپاتتاۋ سالتاناتى 22- قىركۇيەكتە وتەدى.
