بازالىق مولشەرلەمە بويىنشا 2026-جىلعا ارنالعان شەشىمدەر كەستەسى بەكىتىلدى

استانا. KAZINFORM – ق ر ۇلتتىق بانكى 2026-جىلى بازالىق مولشەرلەمە بويىنشا قابىلداناتىن شەشىمدەردىڭ كۇنتىزبەسىن بەكىتتى.

كەلەسى جىلى بازالىق مولشەرلەمە جونىندە 8 شەشىم قابىلداۋ جوسپارلانعان، ونىڭ تورتەۋى بولجام راۋندىنىڭ ناتيجەلەرى نەگىزىندە ايقىندالادى.

ۇلتتىق بانكتىڭ مالىمەتىنشە، بازالىق مولشەرلەمە بويىنشا شەشىمدەر اپتانىڭ سوڭعى جۇمىس كۇنىندە استانا ۋاقىتىمەن 12:00 دە جاريالانادى جانە كەلەسى اپتانىڭ ءبىرىنشى جۇمىس كۇنىنەن باستاپ كۇشىنە ەنەدى.

2026-جىلى بازالىق مولشەرلەمە بويىنشا شەشىمدەر مىنا كۇندەرى جاريالانادى:

• 23-قاڭتار

• 6-ناۋرىز

• 24-ءساۋىر

• 5-ماۋسىم

• 24-شىلدە

• 4-قىركۇيەك

• 23-قازان

• 4-جەلتوقسان

ۇلتتىق بانك شەشىمدەرى ەلدىڭ اقشا-كرەديت ساياساتىنىڭ نەگىزگى باعىتىن ايقىندايتىندىقتان، قارجى نارىعى ءۇشىن ماڭىزدى باعدار سانالادى.

ايتا كەتەيىك، بۇعان دەيىن ۇلتتىق بانك بازالىق مولشەرلەمەنى 2026-جىلدىڭ ورتاسىنا دەيىن تومەندەتپەيتىنى حابارلانعان بولاتىن.