باۋىرجان ارتىقوۆ لاۋازىمىنان بوساتىلدى

استانا. KAZINFORM - مەملەكەت باسشىسىنىڭ وكىمىمەن باۋىرجان ارتىقوۆ «باتىس» وڭىرلىك قولباسشىلىعى اسكەرلەرىنىڭ قولباسشىسى لاۋازىمىنان بوساتىلدى. بۇل تۋرالى اقوردا حابارلادى.

1973 -جىلى 4-تامىزدا وڭتۇستىك قازاقستان وبلىسى سايرام اۋدانى سامسونوۆكا اۋىلىندا تۋعان.

1991 -جىلى وڭتۇستىك قازاقستان وبلىسى سايرام اۋدانىنىڭ № 24-ورتا مەكتەبىن ءتامامدادى.

1) 1993 -جىلى - ق ر ق ك كىشى وفيتسەرلەرى كۋرسى (موتواتقىشتار اسكەرلەرىنىڭ وفيتسەرى)؛

2) 1994 -جىلى - الماتى جوعارى جالپىاسكەري كوماندالىق ۋچيليشەسى؛

3) 2006 -جىلى - «قاينار» ۋنيۆەرسيتەتى (پەداگوگيكا جانە پسيحولوگيا)؛

2008 -جىلى قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتى (اسكەري جانە اكىمشىلىك باسقارۋ)؛

4) 2019 -جىلى - قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتى (اسكەري ىستەگى ستراتەگيالىق مەنەدجمەنت).

مانساپ

1991 -جىلدان 1993 -جىلعا دەيىن مەرزىمدى اسكەري قىزمەت اتقاردى.

ۆزۆود كومانديرىنەن باستاپ دەسانتتىق - شابۋىلداۋ اسكەرلەرى قولباسشىسىنىڭ ءبىرىنشى ورىنباسارى-شتاب باستىعىنا دەيىنگى لاۋازىمداردا اسكەري قىزمەت اتقاردى.

2023 -جىلدان 2024 -جىلعا دەيىن قازاقستان رەسپۋبليكاسى قارۋلى كۇشتەرى باس شتابىنىڭ ۇيىمداستىرۋ- جۇمىلدىرۋ جۇمىسى دەپارتامەنتىنىڭ باستىعى بولدى.

2024 -جىلعى 5-اقپاندا مەملەكەت باسشىسىنىڭ وكىمىمەن «باتىس» وڭىرلىك قولباسشىلىعى اسكەرلەرىنىڭ قولباسشىسى بولىپ تاعايىندالدى.

II دارەجەلى «ايبىن» وردەنىمەن، مەرەيتويلىق مەدالدارمەن جانە «ءمىنسىز قىزمەتى ءۇشىن» مەدالدارىمەن ناگرادتالعان.