بايدەنگە قاتەرلى ىسىك دياگنوزى قويىلدى

استانا. قازاقپارات - ا ق ش- تىڭ بۇرىنعى پرەزيدەنتى دجو بايدەن قۋىق استى بەزى قاتەرلى ىسىگىنە شالدىققان. بۇل تۋرالى «رەيتەر» اگەنتتىگى ەكس-پرەزيدەنتتىڭ كەڭەسىنە سىلتەمە جاساپ حابارلادى.

ولاردىڭ مالىمەتىنە قاراعاندا، دياگنوز 3 كۇن بۇرىن قويىلعان. دەرت اعزاعا تارالىپ، سۇيەككە مەتاستازا بەرىلگەن. ءبىراق حابارلامادا اۋرۋ اگرەسسيۆتى بولعانىمەن، ونى ءتيىمدى تۇردە ەمدەۋگە بولادى دەپ جازىلعان.

قازىر بايدەن مەن ونىڭ وتباسى ەمدەۋ نۇسقالارىن دارىگەرلەرمەن بىرگە تالقىلاپ جاتىر. بايدەننىڭ دەنساۋلىعى مەن اقىل-ويى بۇعان دەيىن دە بۇقارالىق اقپارات قۇرالدارىنىڭ نازارىندا بولعان ەدى. ول ەڭ قارت پرەزيدەنت رەتىندە تاريحقا ەندى. ال كاسىبي بىلىكتى ماماندار دەرتتىڭ سوڭعى ستادياسىندا ەكەنىن ەسكەرىپ ونى ەمدەۋ مۇمكىن ەمەستىگىن ايتادى. «الايدا ىسىكتىڭ دامۋىن جىلدار بويى قاداعالاپ، باقىلاۋعا الۋعا مۇمكىندىك بار»، - دەيدى.

كريس دجوردج، Northwestern Health Network وبىرعا قارسى كۇرەس باعدارلاماسىنىڭ ديرەكتورى:

 - سۇيەككە دەيىن تارالعان قۋىق استى بەزى قاتەرلى ىسىگىن جىلدار بويى باقىلاۋدا ۇستاۋعا بولادى. 2 نەمەسە 3 جىل قاداعالاۋعا مۇمكىندىك بار. كەي ناۋقاستاردىڭ ءومىر جاسىن ءتىپتى 6 جىلعا دەيىن ۇزارتۋعا بولادى. سول سەبەپتى ەكس-پرەزيدەنت جىل سايىن مەديتسينالىق تەكسەرۋدەن ءوتىپ، مامانداردىڭ باقىلاۋىندا بولۋى ءتيىس.

24.kz