باياناۋىلعا ەرەكشە مارتەبە بەرۋ كەرەك - ارسيۋتين

استانا. KAZINFORM - باياناۋىلعا بىرەگەي تاريحي، عىلىمي جانە تۋريستىك الەۋەتى بار اۋماق رەتىندە ەرەكشە مارتەبە بەرۋ كەرەك. بۇل تۋرالى پرەمەر-مينيسترگە ساۋال جولداعان ءماجىلىس دەپۋتاتى نيكولاي ارسيۋتين ايتتى.

- وڭىرلەردىڭ مادەني مۇراسىن ساقتاۋ جانە ستراتەگيالىق دامىتۋ ماقساتىندا پاۆلودار وبلىسىنداعى اۋدان ورتالىعى - بايانۋىلعا بىرەگەي تاريحي، عىلىمي جانە تۋريستىك الەۋەتى بار اۋماق رەتىندە ەرەكشە مارتەبە بەرۋ تۋرالى ماسەلەنى قارستىرۋدى ۇسىنامىن، - دەدى دەپۋتات.

ونىڭ اتاپ وتۋىنشە، باياناۋىل اۋدان ورتالىعىنا ەرەكشە مارتەبە بەرۋ كەشەندى الەۋمەتتىك- ەكونوميكالىق تيىمدىلىك بەرەدى. اتاپ ايتقاندا، كوپتەگەن جۇمىس ورنى قۇرىلىپ، شاعىن جانە ورتا بيزنەس جاندانادى. ءوڭىردىڭ ينۆەستيتسيالىق تارتىمدىلىعى ارتىپ، جەرگىلىكتى جانە رەسپۋبليكالىق بيۋدجەتكە سالىق تۇسىمدەرى ۇلعايادى. حالىقتىڭ ءومىر ءسۇرۋ ساپاسى جاقسارىپ، اۋدانعا بىلىكتى مامانداردىڭ ورالۋىنا جول اشادى. كولىك، كوممۋنالدىق، سيفرلىق جانە الەۋمەتتىك ينفراقۇرىلىمدار جاڭعىرتىلادى.

- جوعارىدا ايتىلعاندارعا بايلانىستى بەيىندى مينيسترلىكتەرگە - مادەنيەت جانە اقپارات، عىلىم جانە جوعارى ءبىلىم، تۋريزم جانە سپورت مينيسترلىكتپەرىنە پاۆلودار وبلىسىنىڭ اكىمدىگىمەن بىرلەسىپ، باياناۋىل اۋدان ورتالىعىنا ەرەكشە مارتەبە بەرۋ تۋرالى ماسەلەنى پىسىقتاۋدى تاپسىرۋدى ۇسىنامىز، - دەدى نيكولاي ارسيۋتين.

اۆتور

مارلان جيەمباي