باياناۋىل ورماندارىندا بۇلان كوزگە ءتۇستى
پاۆلودار. KAZINFORM - باياناۋىلدىڭ تاۋ باۋرايلارىندا بۇلان كوزگە ءتۇستى. ۇلتتىق پارك اۋماعىندا بۇگىندە 80-نەن استام بۇلان بار دەپ ەسەپتەلەدى.
رەسمي دەرەكتەرگە سۇيەنسەك، قازىرگى كۇنى قازاقستاندا 7 مىڭعا جۋىق بۇلان بار. سانى كەيىنگى جىلدارى ءۇش ەسەگە ءوسىپ، ارقا جەرىندەگى نۋ ورماندى، تاۋلى ايماقتاردا كوبەيە باستاعانى بايقالادى دەيدى تابيعات قورعاۋ ينسپەكتورلارى. حالىقارالىق قىزىل كىتاپقا ەنگەنىمەن، جەر بەتىندەگى ناقتى سانى بەلگىسىز.
باياناۋىل تاۋلارىنىڭ اراسىنداعى ورمان- توعايلاردى بۇلاندار قىسى-جازى مەكەن ەتەدى. تۇياقتى جانۋارلار اۋماقتا 1985 -جىلدان بەرى ءجيى بايقالىپ وتىر. بۇل جانۋاردىڭ ءبىر ەرەكشەلىگى، اعزاسىندا جىلقى سەكىلدى ءوت بولمايدى. اشىلاۋىت، قامىستى، قوعالى جەرلەرگە جايىلعاندى، تەرەكتىڭ قابىعىمەن، تاۋداعى ارشامەن قورەكتەنگەندى ۇناتادى. باياناۋىلدىڭ كۇركەلى، جاياۋ مۇسا، قاراجار اۋىلدارى ماڭىنداعى بيىك تاۋلاردا، جالاڭتوس اسۋى مەن مىرزاشوقىدا، قوڭىر اۋليە ۇڭگىرى ماڭىندا ءجيى ۇشىراسادى.
پاۆلودار وبلىسىندا بۇلان باياناۋىلمەن قوسا، ەرتىس ورمانى رەزەرۆاتىندا كەزدەسەدى. ورمانشىلار سوڭعى رەت 170-تەن استام جانۋاردى ساناپ شىققان.
اۆتور
مۇرات اياعان
