باتىس قازاقستاندىق عالىمدار كيىك ەتىنەن شۇجىق جاساپ شىعاردى

ورال. KAZINFORM - جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ جاس عالىمدارى كيىك ەتىنەن شۇجىق جاساۋدى قولعا الدى.

Батысқазақстандық ғалымдар киік етінен шұжық жасап шығарды
Фото: Жәңгір хан атындағы БҚАТУ

جوبا جەتەكشىسى، «تاعام قاۋىپسىزدىگى» عىلىمي-زەرتتەۋ زەرتحاناسىنىڭ مەڭگەرۋشىسى، تەحنيكا عىلىمدارىنىڭ كانديداتى، دوتسەنت مىندەتىن اتقارۋشى ايان ورازوۆتىڭ ءمالىم ەتكەنىندەي، كيىك ەتىنەن دايىندالاتىن شۇجىق 30 پايىز قۇس ەتىمەن (ۇيرەك پەن قاز) ارالاستىرىلادى.

ايان جارىلقاسىن ۇلىنىڭ سوزىنە قاراعاندا، ەڭ باستى ماقسات - ءونىمنىڭ تۇتىنۋشىلىق قاسيەتىن انىقتاپ الۋ.

- الدىمەن ءبىز كيىك ەتىنىڭ ساپالىق كورسەتكىشتەرىن زەرتتەپ، سودان كەيىن قاۋىپسىزدىك كورسەتكىشتەرىن، ياعني ميكروبيولوگيالىق قاۋىپسىزدىگىن، قۇرامىندا قاۋىپتى ىشەك تاياقشاسى، پاتوگەندى جانە شارتتى پاتوگەندى باكتەريالارىنىڭ بولماۋىن قاتاڭ تۇردە باقىلادىق. ەتتى تاعامدىق ماقساتتا قولدانۋعا جارامدىلىعى انىقتالعاننان كەيىن شۇجىققا پايدالانىلاتىن ەتتى ءتۇرلى رەتسەپتۋرالارمەن دايىنداپ كوردىك. سولاردىڭ ىشىنەن قاجەتتىسىن تاڭداپ الدىق، - دەيدى ايان ورازوۆ.

Колбасу из мяса сайгака разработали ученые из ЗКО
Фото: ЗКТУ им. Жангир хана

بۇگىندە جاس عالىمدار كيىك ەتىنەن شۇجىق دايىنداۋ تەحنولوگياسىن جەتىلدىرىپ، دايىن ءونىمدى تەكسەرىسكە جىبەرىپ، ساپالىق كورسەتكىشىن انىقتاۋ ءۇشىن جۇمىس ىستەپ جاتىر. تەرمينالدىق وڭدەۋدىڭ دۇرىستىعىن قاداعالاپ، دايىن ءونىمنىڭ ادام دەنساۋلىعىنا كەرى اسەرى بولماۋى - باستى نازاردا.

ۋنيۆەرسيتەت وقىتۋشىسى، ماگيستر ايدانا بەكبوسىنوۆا شۇجىقتىڭ رەتسەپتۋراسىن قۇراستىرۋ بارىسىندا قايسىسى ىڭعايلى، قايسىسى ۇتىمدى ەكەنى تولىق زەردەلەنگەنىن جەتكىزدى.

Колбасу из мяса сайгака разработали ученые из ЗКО
Фото: ЗКТУ им. Жангир хана

- تارتىلعان ەتكە تۇز، بۇرىش، سارىمساق سەكىلدى دامدەۋىشتەر قوسىلادى. زەرتتەۋ بارىسىندا كيىك ەتىنىڭ ءسولى كوپ بولاتىنى بايقالدى. دايىن ءونىم توڭازىتقىشتا ەكى اپتاعا دەيىن ساقتالادى، - دەيدى جاس عالىم.

عىلىمي جۇمىس جاڭادان باستالىپ جاتقاندىقتان، عالىمدار دايىن ءونىمنىڭ ساقتالۋ شارتتارىن ءالى دە زەرتتەپ كورەدى.

Колбасу из мяса сайгака разработали ученые из ЗКО
Фото: ЗКТУ им. Жангир хана

شۇجىققا قولدانىلاتىن شيكىزاتتىڭ بارلىعى دا - تابيعي ونىمدەر. زەرتحاناعا كيىك ۇشاسى جاڭگىر حان ۋنيۆەرسيتەتىنە قاراستى «اقبوكەن» تالىمباعىنان اكەلىنەدى. ءبىر كيىكتەن 13-15 كەلى كولەمىندە ەت الىنادى. ۇيرەك پەن قاز ءبىلىم ورداسىنىڭ وقۋ-عىلىمي-وندىرىستىك ورتالىعىندا وسىرىلەدى. ال ولاردى زەرتتەۋ جۇمىستارى ۋنيۆەرسيتەتتىڭ سىناۋ ورتالىعىنداعى زەرتحانالاردا جۇرگىزىلەدى.

جاس عالىمداردىڭ بۇل باستاماسىنا ۋنيۆەرسيتەت باسشىلىعى قولداۋ ءبىلدىرىپ وتىر. قازىرگى ۋاقىتتا ءونىمنىڭ ارتىقشىلىعى، جاڭاشىلدىعى تۋرالى شەتەلدىك باسىلىمدارعا عىلىمي ماقالا جاريالاپ، وتاندىق عىلىمدى تانىتۋعا دەن قويىلىپ وتىر.

جاس عالىمدار بارلىق سۇرانىس قاناعاتتاندىرىلسا، ونىمگە ونەرتابىس پاتەنتىن الىپ، نارىققا شىعۋدى كوزدەپ وتىر.

ەسكە سالا كەتەيىك، بۇدان بۇرىن قازاق عالىمدارى كيىكتى ارنايى ءتالىمباقتا ءوسىرىپ، زەرتتەپ جاتقانىن جازعان ەدىك.

سوڭعى جاڭالىقتار