باتىس قازاقستان وبلىسىندا كيىك اتۋ باستالدى

استانا. KAZINFORM - باتىس قازاقستان وبلىسى اۋماعىندا كيىك سانىن رەتتەۋ جۇمىستارى رەسمي تۇردە باستالدى.

بۇل جۇمىستار 30-قاراشاعا دەيىن جالعاسادى. اكىمدىك مالىمەتىنشە، كيىك پوپۋلياتسياسىن رەتتەۋ تابيعي تەپە-تەڭدىكتى ساقتاۋ، جايىلىمعا زيان كەلتىرمەۋ جانە اۋىل شارۋاشىلىعى القاپتارىن قورعاۋ ماقساتىندا ۇيىمداستىرىلىپ وتىر.

بۇل جۇمىستارعا 40 قا جۋىق مامان تارتىلىپ، 4 ارنايى بريگادا جاساقتالعان. ءار بريگادا 3 تەحنيكامەن قامتاماسىز ەتىلگەن، جالپى سانى 12 تەحنيكا جۇمىلدىرىلعان.

2025-جىلى جۇرگىزىلگەن اۆياتسيالىق ەسەپ ناتيجەسىندە باتىس قازاقستان وبلىسى اۋماعىندا كيىكتەردىڭ جالپى سانى 2,3 ميلليون باسقا جەتكەنى انىقتالعان. عالىمدار ازىرلەگەن بيولوگيالىق نەگىزدەمەگە سايكەس پوپۋلياتسياعا زالال كەلتىرمەي، ونىڭ تەك 20 پايىزىن، ياعني 460 مىڭعا دەيىن عانا رەتتەۋگە بولادى.

«اۋلانعان كيىك ەتى ارنايى بەلگىلەنگەن ەت وڭدەۋ كاسىپورىندارىنا جەتكىزىلەدى. بۇل ونىمدەردى «كۋبلەي» ج ش س، «جەڭىس» ج ك، «باتىس-نىق» ج ش س جانە «حايروۆ» ج ك قابىلدايدى»، - دەدى ب ق و ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى نۇرلان راحىمجانوۆ.

ەسكە سالايىق، بۇعان دەيىن باتىس قازاقستاندا كيىك ەتى قايتا وڭدەلەتىنى حابارلاندى.