باس پروكۋراتۋرا «س ك-فارماتسيا» ۇستىنەن قىلمىستىق تەكسەرۋ باستادى - دەپۋتات
استانا. KAZINFORM - ءماجىلىس دەپۋتاتى باقىتجان بازاربەك باس پروكۋراتۋرا مەن قارجىلىق مونيتورينگ اگەنتتىگى جوعارى اۋديتورلىق پالاتا جاساعان اۋديت قورىتىندىسى نەگىزىندە «س ك- فارماتسيا» ۇستىنەن قىلمىستىق تەرگەپ-تەكسەرۋ باستاعانىن مالىمدەدى.
- ج ا پ اۋديتىنىڭ قورىتىندىسى نەگىزىندە ءبىزدىڭ ءوتىنىشىمىز بويىنشا باس پروكۋراتۋرا قارجىلىق مونيتورينگ اگەنتتىگىمەن بىرلەسىپ «س ك- فارماتسيا» بويىنشا قىلمىستىق تەرگەپ-تەكسەرۋدى باستادى.
مۇرات ابەنوۆپەن بىرگە جوعارى اۋديتورلىق پالاتا انىقتاعان دەرەكتەر بويىنشا باس پروكۋراتۋراعا جولداعان وتىنىشىمىزدەن كەيىن، پروكۋرورلار قۇقىق قورعاۋ ورگاندارىمەن بىرلەسىپ «س ك-فارماتسيا» ج ش س مەن فارماتسيەۆتيكالىق سالا سۋبەكتىلەرىندەگى ۇرلىق فاكتىلەرى بويىنشا قىلمىستىق تەرگەپ-تەكسەرۋگە كىرىستى، - دەپ جازدى ول Facebook-تەگى پاراقشاسىندا.
ايتۋىنشا تەرگەۋ وربيتاسى مىنا فاكتىلەردى قامتىماق:
- «ينفەكسياعا قارسى پرەپاراتتار عىلىمي ورتالىعى» ا ق جالعان كلينيكالىق زەرتتەۋلەر جۇرگىزىپ، 166,4 ميلليون تەڭگەگە ءدارى-دارمەك بويىنشا قاراجات يگەرىلگەن؛
- «س ك-فارماتسيا» ج ش س ءدارى-دارمەك ساتىپ الۋ كەزىندە مەملەكەتكە 35,8 ميلليارد تەڭگە مولشەرىندە زالال كەلتىرگەن؛
- «كازمەدپروم» ج ش س مەديتسينالىق قولعاپتاردى «س ك-فارماتسيا» ج ش س- نە قىمبات باعامەن جەتكىزۋ ارقىلى 5,3 ميلليارد تەڭگە بيۋدجەت قاراجاتىن ءتيىمسىز پايدالانعان؛
- ءبىرىڭعاي ديستريبيۋتوردىڭ («س ك- فارماتسيا» ج ش س - رەد.) ءدارى-دارمەك ساتىپ الۋى بارىسىندا 35,8 ميلليارد تەڭگە زالال كەلتىرۋى، سونداي-اق «كازمەدپروم» ج ش س- ءنىڭ قولعاپتاردى قىمبات باعامەن ساتۋى دەرەكتەرى باس پروكۋراتۋرانىڭ اقپاراتتى ەسەپكە الۋ كىتابىنا تىركەلىپ، قارجىلىق مونيتورينگ اگەنتتىگىنە پروتسەستىك شەشىم قابىلداۋ ءۇشىن جولداندى.
سونىمەن قاتار، جالعان كلينيكالىق زەرتتەۋلەر وتكىزۋ جانە الىنباعان جابدىق ءۇشىن قاراجاتتى نەگىزسىز يگەرۋ بويىنشا (جالپى سوماسى 200 ميلليون تەڭگەدەن اسا) قوعامنىڭ قىزمەتىنە تەكسەرۋ تاعايىنداۋ تۋرالى تاپسىرما الماتى قالاسىنىڭ پروكۋراتۋراسىنا جولداندى.
بۇدان بولەك، باس پروكۋراتۋرا «س ك- فارماتسيا» ج ش س مەن دارىلىك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعىنىڭ قىزمەتىن تەكسەرۋ باستاماسىن كوتەردى، - دەيدى دەپۋتات.
ايتا كەتەلىك نۇرلىبەك اسىلبەكوۆ س ق-فارماتسيا باسقارما ءتوراعاسى قىزمەتىنە كەلگەن ەدى.
اۆتور
ەسىمجان ناقتىباي
