باس پروكۋراتۋرا قۇقىق قورعاۋ قىزمەتىنە العاش رەت كىرەتىن ادامداردى ىرىكتەيدى

استانا. KAZINFORM - قازاقستان رەسپۋبليكاسىنىڭ باس پروكۋراتۋراسى قۇقىق قورعاۋ قىزمەتىنە العاش رەت كىرەتىن ادامدار ءۇشىن العاشقى كاسىپتىك دايارلىققا ىرىكتەۋ جاريالايدى، دەپ حابارلايدى ۆدومستۆونىڭ باسپا ءسوز قىزمەتى.

ىرىكتەۋ اۋدان/قالا پروكۋراتۋراسىنىڭ پروكۋرورى (C- RGP-5 ساناتى) لاۋازىمدارىنا جۇرگىزىلەدى، ولاردىڭ فۋنكتسيونالدىق مىندەتتەرىنە زاڭدا بەلگىلەنگەن شەكتە جانە نىسانداردا قازاقستان رەسپۋبليكاسىنىڭ اۋماعىندا زاڭدىلىقتىڭ ساقتالۋىن جوعارى قاداعالاۋدى جۇزەگە اسىرۋ، سوتتا مەملەكەت مۇددەلەرىن ءبىلدىرۋ جانە مەملەكەت اتىنان قىلمىستىق قۋدالاۋدى جۇزەگە اسىرۋ كىرەدى.

ەڭ تومەنگى جالاقى - 164052 تەڭگە.

ىرىكتەۋگە قاتىسۋ ءۇشىن قۇجاتتاردى قابىلداۋدى پروكۋراتۋرا ورگاندارىنىڭ اۋماقتىق بولىمشەلەرى (بايلانىس تەلەفوندارى مەن مەكەنجايلارى تومەندە كورسەتىلگەن) 2024-جىلعى 7- اقپاننان 7- ناۋرىزعا دەيىن جۇرگىزەدى.

العاشقى كاسىپتىك دايارلىققا ىرىكتەۋگە قاتىسۋ ءۇشىن ۇمىتكەرلەر:

1) مەملەكەتتىك قىزمەت ىستەرى جونىندەگى ۋاكىلەتتى ورگاندا (قۇقىق قورعاۋ قىزمەتىنىڭ لاۋازىمدارىنا ارنالعان ءتيىستى باعدارلاما بويىنشا) تەستىلەۋدەن، ونىڭ ىشىندە جەكە قاسيەتتەرىن باعالاۋدان ءوتۋ؛

2) قۇقىق قورعاۋ ورگاندارىنىڭ اۋماقتىق بولىمشەلەرىنە (ءتۇسۋ ءۇشىن جوسپارلانعان ورگانعا) مىناداي قۇجاتتاردى بەرۋ:

- بەلگىلەنگەن ۇلگىدەگى ءوتىنىش؛

- قازاقستان رەسپۋبليكاسى ازاماتىنىڭ جەكە باسىن كۋالاندىراتىن قۇجاتتىڭ كوشىرمەسى؛

- ءبىلىمى تۋرالى قۇجاتتاردىڭ كوشىرمەلەرى، سونداي- اق قازاقستان رەسپۋبليكاسىنىڭ «ءبىلىم تۋرالى» زاڭىنا سايكەس نوستريفيكاتسيالاۋ نەمەسە تانۋ راسىمىنەن وتكەنىن راستايتىن قۇجاتتار (شەتەلدىك ءبىلىم بەرۋ مەكەمەلەرى بەرگەن ديپلومدار ءۇشىن، سالىستىرۋ ءۇشىن ءتۇپنۇسقالارى)؛

- جاقىن تۋىستارىن، ونىڭ ىشىندە بەلگىلەنگەن نىسان بويىنشا بۇرىنعى جۇبايلارىن كورسەتە وتىرىپ، ءوز قولىمەن جازىلعان تولىق تولتىرىلعان ءومىربايان؛

- كەز-كەلگەن ايماقتا قىزمەت ەتۋگە كەلىسىم بەرۋ تۋرالى ءوتىنىش؛

- اسكەري بيلەت نەمەسە تىركەۋ كۋالىگىن تاپسىرۋى قاجەت.

قۇجاتتاردىڭ تولىق ەمەس تىزبەسىن، سونداي-اق بەلگىلەنگەن مەرزىمدى بۇزا وتىرىپ ۇسىنۋ ىرىكتەۋگە قاتىستىرماۋ ءۇشىن نەگىز بولىپ تابىلادى.