باس پروكۋراتۋرا ق. بيشىمبايەۆتىڭ ىسىنە بايلانىستى ەسكەرتۋ جاسادى

Генпрокуратура РК
Фото: Солтан Жексенбеков/ Kazinform

استانا. KAZINFORN – ق ر باس پروكۋراتۋراسى قۋاندىق بيشىمبايەۆتىڭ ىسىنە قاتىستى ەسكەرتۋ جاريالادى.

ق ر باس پروكۋراتۋراسى باسپا ءسوز قىزمەتىنىڭ حابارلاۋىنشا، مەديا-كەڭىستىكتە ق. بيشىمبايەۆقا قاتىستى قىلمىستىق ءىس بويىنشا سوتقا دەيىنگى تەرگەپ-تەكسەرۋ ناتيجەلەرىنە كۇمان كەلتىرەتىن ماتەريالدار جاريالانۋدا.

مۇنداي مالىمەتتەردى تاراتۋ ونىڭ ناقتى ءىس بويىنشا وبەكتيۆتى جانە ءادىل سوت تورەلىگىن جۇزەگە اسىرۋىنا كەدەرگى جاساۋ ماقساتىندا سوتقا اسەر ەتۋ نىسانى رەتىندە باعالانۋى مۇمكىن.

قازاقستان رەسپۋبليكاسى قىلمىستىق كودەكسىنىڭ 407-بابىنا سايكەس سوتتىڭ قىزمەتىنە ارالاسۋعا جول بەرىلمەيدى جانە ونداي ارەكەت ءۇشىن جازالانادى.

كورىنەۋ جالعان مالىمەتتەردى تاراتقانى ءۇشىن قازاقستان رەسپۋبليكاسى قىلمىستىق كودەكسىنىڭ 274-بابى بويىنشا قىلمىستىق جاۋاپتىلىق كوزدەلگەن.

«وسىعان بايلانىستى باس پروكۋراتۋرا بارلىق ازاماتتار مەن ب ا ق- تاردى زاڭدىلىقتى ساقتاۋعا شاقىرادى، قىلمىستىق قۇقىق بۇزۋشىلىقتار جاساۋدان جانە سوتتىڭ قىزمەتىنە قانداي دا بولماسىن تۇردە ارالاسپاۋدى ەسكەرتەدى»، - دەلىنگەن حابارلامادا.

بۇگىن استانادا قۋاندىق بيشىمبايەۆتىڭ ىسىنە قاتىستى سوت وتىرىسى وتكەنىن حابارلادىق.

سوڭعى جاڭالىقتار