باس پروكۋراتۋرا «ءو ك م وپەراتورى» مەن ءاليا نازاربايەۆانىڭ بايلانىسى تۋرالى اقپاراتقا تۇسىنىك بەردى

باس پروكۋرورىنىڭ ورىنباسارى اسەت شىنداليەۆ «ءو ك م وپەراتورى» كومپانياسى مەن ءاليا نازاربايەۆانىڭ بايلانىسى تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

Бас прокуратура «ӨКМ Операторы»  мен Әлия Назарбаеваның байланысы туралы ақпаратқа түсінік берді
Фото: ҚазАқпарат ХАА

«ءاليا نازاربايەۆعا قاتىستى قىلمىستىق قۋدالاۋ نەمەسە ءىس قوزعاۋ تۋرالى مەندە مالىمەت جوق. «ءو ك م وپەراتورى» (وپەراتور روپ) بويىنشا ۇكىم شىققان بولاتىن. ءار قىلمىستىق قۋدالاۋدى باستايتىن ۋاكىلەتتى ورگان بار. «ءو ك م وپەراتورى» بويىنشا سىبايلاس جەمقورلىققا قارسى ءىس- قيمىل اگەنتتىگى تەرگەۋ جاسادى»، - دەدى ءا. شىنداليەۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

وسى ورايدا ول ەگەر قىلمىس قۇرامى مەن قانداي دا ءبىر اقپارات بولسا، قىلمىستىق قۋدالاۋ تۋرالى شەشىمدى ءتيىستى مەملەكەتتىك ورگاندار شىعارۋى كەرەك.

«بىزدە انتيكور، ەكونوميكالىق تەرگەۋ قىزمەتى، ىشكى ىستەر مينيسترلىگى بار. ەگەر ءتيىستى اقپارات پەن دالەل بولسا، قۇزىرلى ورگاندار شەشىمىن جاسايدى. ازىرگە، بۇل تۇرعىدا مەندە مالىمەت جوق»، - دەدى باس پروكۋروردىڭ ورىنباسارى.

ەسكە سالساق، جاقىندا ءماجىلىس دەپۋتاتى ەرلان سايروۆ كۋاگەرلەر «وپەراتور روپ- تىڭ» تۇپكى بەنەفيتسيارى ءاليا نازاربايەۆا دەپ كورسەتىپ جاتقانىن مالىمدەدى.

بيىل ءساۋىر ايىندا ەلوردادا ءو ك م وپەراتورىنا قاتىستى سوت تالقىلاۋى باستالعان ەدى.

اۆتور

رۋسلان عابباسوۆ

سوڭعى جاڭالىقتار