بارىس بۇگىن ەلوردادا «نەفتەحيميك» كومانداسىمەن كەزدەسەدى

قازاقستاندىق «بارىس» كومانداسى قۇرلىقتىق حوككەي ليگاسىنداعى كەزەكتى ويىنىن ەلوردادا رەسەيدىڭ «نەفتەحيميك» (نيجنەكامسك) كومانداسىنا قارسى وتكىزەدى، دەپ حابارلايدى قازاقپارات ءتىلشىسى.

كەزدەسۋ بۇگىن، 18- قىركۇيەكتە 19:30 دا باستالادى.

ەكى كوماندا بۇعان دەيىن 41 مارتە كەزدەستى. ونىڭ 23 ءى ەلوردالىق كلۋبتىڭ باسىمدىعىمەن اياقتالسا، قالعانىندا رەسەيلىك كوماندا جەڭىسكە جەتتى.

ايتا كەتسەك، ەلوردالىق كلۋب قۇرلىقتىق حوككەي ليگاسىنداعى بۇدان بۇرىنعى التى كەزدەسۋىنىڭ 5 دە جەڭىلىپ، ودان كەيىن ەلوردادا رەسەيدىڭ «ادميرال» (ۆلاديۆوستوك) كومانداسىنان باسىم ءتۇستى.

اتالعان كەزدەسۋدەن كەيىن ەلوردالىق كلۋب قاتارىنان ءۇش ويىنىن سىرت ايدىندا وتكىزەدى.

الدىمەن 21- قىركۇيەكتە رەسەيدە «سپارتاك» (ماسكەۋ) كلۋبىمەن كەزدەسسە، ودان كەيىن 23- قىركۇيەكتە «سيبير» (نوۆوسىبىر)، 25- قىركۇيەكتە «نەفتەحيميك» (نيجنەكامسك) كوماندالارىمەن شەبەرلىك بايقاسادى.

ال ەلوردادا 16- قىركۇيەكتە رەسەيدىڭ «ادميرال»، 18- قىركۇيەكتە «نەفتەحيميك» كوماندالارىن قابىلدايدى.