بارۋ كەرەكپىن، بارۋىم كەرەك: قاي نۇسقا دۇرىس؟

ءال-فارابي اتىنداعى قازاق ۇلتتىق ۋنيۆەرسيتەتى ا. بايتۇرسىن ۇلى اتىنداعى قازاق ءتىل ءبىلىمى كافەدراسىنىڭ اعا وقىتۋشىسى، PhD عىلىم دوكتورى جانات اسىلحان قىزىمەن بىرگە «قاي نۇسقا دۇرىس؟» ايدارىن باستايمىز. بۇل ايداردا ءارتۇرلى نۇسقادا قولدانىلىپ جۇرگەن سوزدەردىڭ دۇرىس جازىلۋىن ماماننان بىلەمىز.

«كەرەك»، «قاجەت»، «ءتيىس» دۇرىس قولدانىلىپ ءجۇر مە؟

ساراپشى قازىرگى تاڭدا كالكا قولدانىس وتە كوپ ەكەنىن ايتادى. وسىنداي قاتەنىڭ ءبىرى - كەرەك، قاجەت، ءتيىس دەگەن سوزدەرگە قاتىستى.

«ءساتسىز كالكا: تى دولجەن يدتي - سەن بارۋ كەرەكسىڭ. ءساتتى كالكا: تى دولجەن يدتي - سەن بارۋىڭ كەرەك. قازاق تىلىندە تۇيىق ەتىستىكپەن تىركەسكەن مودال سوزدەر (كەرەك، قاجەت) جىكتەلمەيدى، ونىڭ الدىندا تۇرعان ەتىستىككە (بارۋ) قوسىمشا جالعانادى. بۇل - ورىس ءتىلىنىڭ تىركەسىم زاڭدىلىعىن، قوسىمشالاردىڭ ەرەكشەلىگىن ەسكەرمەۋدەن تۋىنداعان قاتە»، - دەپ ءتۇسىندىردى مامان.