باقىتبەك بازاربەك ءبىرقاتار مينيسترلىكتى بىرىكتىرۋدى ۇسىندى

استانا. قازاقپارات - 2026 -جىلدان باستاپ مەملەكەتتىڭ شىعىستارىن قىسقارتىپ، كەيبىر مينيسترلىكتەردى بىرىكتىرۋ قاجەت. بۇل تۋرالى ءماجىلىس دەپۋتاتى باقىتبەك بازاربەك ايتتى.

- مەملەكەتتىك قىزمەتتەردى سيفرلاندىرۋ اياسىندا 2026 -جىلدان باستاپ مەملەكەتتىك اپپاراتتى بىرتىندەپ قىسقارتۋىمىز قاجەت. ودان بارلىعى قورقادى. 2026 -جىلدان باستاپ مەملەكەتتىڭ شىعىستارىن قىسقارتپاساق، وندا قارىزىمىز قىسا باستايدى. سوندىقتان «سامۇرىق- قازىنا» ۇءا ق، «بايتەرەك» كومپانياسىنىڭ اكىمشىلىك اپپاراتىن قىسقارتۋىمىز كەرەك. مينيسترلىكتەردى دە دەرەۋ قىسقارتۋىمىز قاجەت، - دەدى ول پارلامەنت پالاتالارىنىڭ بىرلەسكەن وتىرىسى اياسىندا ب ا ق وكىلدەرىنە بەرگەن سۇحباتىندا.

ونىڭ اتاپ وتۋىنشە، 2-3 مينيسترلىكتى بىرىكتىرۋگە بولادى.

- حالىق سانى از قازاقستانعا وسىنشاما مينيسترلىك قاجەت ەمەس. مىسالى، سۋ مينيسترلىگى مەن ەكولوگيا مينيسترلىگىن، قارجى مينيسترلىگى مەن ۇلتتىق ەكونوميكا مينيسترلىگىن، ونەركاسىپ مينيسترلىگى مەن كولىك مينيسترلىگىن بىرىكتىرە سالۋعا بولادى. ءار ءمينيستردىڭ 5-6 ورىنباسارى بار. 4 ەۋىن قىسقارتىپ، ەكى ورىنباسار عانا قالدىرۋ قاجەت. باسقاشا ايتقاندا شىعىنداردى ازايتۋىمىز كەرەك. ياعني، ونى قىسقارتىپ، جاساندى ينتەللەكت، سيفرلاندىرۋعا اينالدىرۋىمىز قاجەت. باسقاشا ايتقاندا 2030 -جىلعا قاراي مەملەكەتتىك اپپاراتىمىز كەم دەگەندە 20-30 پايىزعا قىسقارۋى ءتيىس، - دەدى دەپۋتات.

ايتا كەتەيىك، بۇگىن پارلامەنت پالاتالارىنىڭ بىرلەسكەن وتىرىسى ءوتىپ، وندا سەگىزىنشى سايلانعان پارلامەنتتىڭ ءۇشىنشى سەسسياسى رەسمي تۇردە جابىلدى.