بانك كارتاسىن راسىمدەۋگە قويىلاتىن تالاپ كۇشەيەدى
استانا. KAZINFORM - ەندى كليەنتتەرگە كارتا بەرەتىن بانكتەرگە بىرنەشە تالاپ قويىلادى. قارجى نارىعىن رەتتەۋ جانە دامىتۋ اگەنتتىگىنىڭ بۇيرىعى «اشىق ن ق ا» پورتالىندا جاريالاندى.
جاڭا جوبا قارجى نارىعىندا قۇقىققا قارسى ءىس- قيمىلداردى جانە دروپپەرلىكتى (ەسىرتكىنىڭ زاڭسىز اينالىمى، قارجى پيراميدالارىنىڭ، ونلاين/ينتەرنەت- كازينولاردىڭ قىزمەتىن ۇيىمداستىرۋ) بارىنشا ازايتۋ ءۇشىن ازىرلەندى.
قۇجاتتا كليەنتتەرگە قاشىقتان قىزمەت كورسەتۋ جانە دروپپەرلىك سحەمالارعا تارتۋ تاۋەكەلدەرىنە ۇشىراعان كليەنتتەرگە قاتىستى مونيتورينگتى كۇشەيتۋ، كومپلاەنس- باقىلاۋ باسشىلارىنىڭ جاۋاپكەرشىلىگىن كۇشەيتۋ جانە بانكتەردىڭ قۇقىققا قارسى ءىس- قيمىل تاۋەكەلدەرىن باسقارۋ جونىندەگى انتيفرود- قىزمەتتەرىنىڭ فۋنكتسيونالىن كەڭەيتۋ بولىگىندە بانكتەرگە قويىلاتىن تالاپتار بار.
بانكتەرگە قانداي تالاپتار قويىلادى ؟
- تاۋەكەلى جوعارى بەيرەزيدەنت كليەنتتەرگە قاتىستى باقىلاۋدى، ونىڭ ىشىندە قاشىقتان نەمەسە وكىل ارقىلى ىسكەرلىك قاتىناستار ورناتۋعا، كارتالاردى شىعارۋعا جانە قايتا شىعارۋعا تىيىم سالۋ؛
- ءتولقۇجاتتىڭ فوتوسۋرەتى بويىنشا بيومەتريانى قولدانا وتىرىپ، بىرىزدىلىك ەنگىزۋ؛
- «ءبىر قولدا ءبىر تولەم كارتوچكاسىنىڭ بولۋ» ولشەمشارتىن باقىلاۋ؛
- ەل اۋماعىندا بولۋ زاڭدىلىعىن تەكسەرۋ؛
- كارتانى شىعارعان جانە قايتا شىعارعان ساتتەن باستاپ العاشقى 3 ايدا كىرىس جانە شىعىس ترانزاكسيالارىنا كۇشەيتىلگەن مونيتورينگ جۇرگىزۋ بولىگىندە باقىلاۋدى كۇشەيتۋ؛
- دروپپەرلىك وپەراتسيالاردى انىقتاۋ جانە بۇعاتتاۋ جانە تولەم كارتاسىن باقىلاۋسىز شىعارۋدى بولدىرماۋ ماقساتىندا بانكتەردىڭ ۇلتتىق بانكتىڭ انتيفرود- ورتالىعىمەن ءوزارا ءىس- قيمىلىن كەڭەيتۋ.
- جوبا قارجى نارىعىندا قۇقىققا قارسى ءىس-قيمىلدار مەن دروپپەرلىككە (ەسىرتكىنىڭ زاڭسىز اينالىمى، قارجى پيراميدالارىنىڭ قىزمەتىن ۇيىمداستىرۋ، ونلاين/ينتەرنەت- كازينو) جول بەرمەۋ/بارىنشا ازايتۋ بويىنشا قوسىمشا باقىلاۋ شارالارىن ەنگىزۋگە باعىتتالعان، - دەلىنگەن قۇجات ماتىنىندە.
قۇجات جوباسى بيىل 14- ساۋىرگە دەيىن قوعامدىق تالقىلاۋعا ۇسىنىلىپ وتىر.
جىل باسىندا قارجى نارىعىن رەتتەۋ جانە دامىتۋ اگەنتتىگىنىڭ ەسىرتكى قۇرالدارىنىڭ جانە سيفرلىق اكتيۆتەردىڭ زاڭسىز اينالىمى سالاسىندا بانك قىزمەتىن پايدالانۋ تاۋەكەلدەرىن ازايتۋ جونىندەگى شارالاردى كۇشەيتەتىنى تۋرالى حابارلاعان ەدىك.
