بالقاشتا جوعالىپ كەتكەن 15 جاستاعى قىزدىڭ دەنەسى تابىلدى

  بالقاشتا جوعالعان قىزدى ىزدەۋگە 130 دان استام پوليتسيا قىزمەتكەرى مەن ەرىكتى جۇمىلدىرىلدى، دەپ حابارلايدى Kazinform.

ءى ءى م باسپا ءسوز قىزمەتىنىڭ مالىمەتىنشە، پوليتسياعا كەشە كەشكىلىك ۋاقىتتا جەرگىلىكتى تۇرعىننان 15 جاستاعى قىزىنىڭ جوعالعانى تۋرالى حابارلاما تۇسكەن. ازامات ارىزىندا كۇندىزگى ساعات 16:00 شاماسىندا قىزى بي ۇيىرمەسىنە شىعىپ، ودان ورالماعانىن ايتتى.

ىزدەۋ جۇمىستارىنا قالالىق پوليتسيا ءبولىمىنىڭ قىزمەتكەرلەرى دابىل جۇيەسى بويىنشا كوتەرىلىپ، ىزدەۋ جۇمىستارى باستالدى. بالانىڭ بولۋى مۇمكىن دەگەن تاكسي جانە كولىك تۇراقتارى تەكسەرىلىپ، قالا جولدارىنداعى بەينەباقىلاۋ كامەرالارىنىڭ جازبالارىن زەردەلەۋ، بارلىق اۋلالارعا قاراۋ جۇمىستارى جۇرگىزىلدى.

ىزدەۋ جۇمىستارىنا ەرىكتىلەر، قالا تۇرعىندارى اتسالىستى. ىزدەۋ جۇمىستارى 11 -جەلتوقسان كۇنى تاڭەرتەڭگىلىك بالقاش كولىنىڭ ماڭىنا الىپ كەلدى. كول جاعاسىنان جوعالعان قىزدىڭ كيىمدەرى تابىلدى. وسى ۋاقىتتان باستاپ كولدىڭ اۋماعىن قاراۋ جۇمىسى جۇرگىزىلدى. ساعات 13:36 شاماسىندا كولدەن 40-50 مەتر قاشىقتىقتا، 2,5-3 مەتر تەرەڭدىكتە قىزدىڭ ءمايىتى تابىلدى.

الدىن الا بولجام بويىنشا، ول ءوز-وزىنە قول جۇمساعان. قازىر وقيعانىڭ ءمان-جايى انىقتالىپ جاتىر.