بالاسى قىلمىس جاساعان اتا-انا قانشا ايىپپۇل تولەيدى
استانا. KAZINFORM - بىلتىر ەلدە بالاعا قاتىستى كەز كەلگەن زورلىق- زومبىلىق تۇرلەرى ءۇشىن جاۋاپكەرشىلىك قاتاڭداتىلىپ، زاڭعا وزگەرىس ەنگىزىلدى. جاڭا سانكتسيا بويىنشا كامەلەتكە تولماعان بالانى قورلاۋ، ياعني بۋللينگ جاساعانى ءۇشىن 10 ايلىق ەسەپتىك كورسەتكىش مولشەرىندە ايىپپۇل قاراستىرىلعان.
ەگەر اگرەسسور كامەلەتكە تولماسا، وندا جاۋاپكەرشىلىك ونىڭ اتا-اناسىنا نەمەسە زاڭدى وكىلدەرىنە جۇكتەلەدى. 2024 -جىلدىڭ 6 ايىندا وسىنداي 182 دەرەك تىركەلسە، بيىل 54 ادام جاۋاپكەرشىلىككە تارتىلعان.
بالاسى قىلمىس جاساعان اتا-انالار جازالاندى
بۇگىندە مەكتەپ وقۋشىلارى اراسىنداعى بۋللينگ - بالالار ءۇشىن عانا ەمەس، بۇكىل قوعام ءۇشىن وزەكتى ماسەلە. قورقىتۋ، كەمسىتۋ، مازاق ەتۋ سياقتى ارەكەتتەر كەي جاعدايدا اۋىر پسيحولوگيالىق زارداپتارعا اكەلۋى مۇمكىن. پسيحولوگتاردىڭ ايتۋىنشا، بۋللينگتىڭ باستى سەبەبىنىڭ ءبىرى - تاربيەدەگى كەمشىلىكتەر، الەۋمەتتىك جەلىلەردەگى اگرەسسيا جانە بالالار اراسىنداعى تۇسىنىسپەۋشىلىكتەر.
- كەيبىر بالالار ۇساق-تۇيەك نارسەنىڭ ءوزىن بۋللينگ دەپ تۇسىنەدى. ەندى ول مەكتەپ قابىرعاسى بولعاننان كەيىن بالا ويناعىسى كەلەدى عوي ۇزىلىستە، ءبىرىن-ءبىرى ءتۇرتىپ، قالجىڭداسقىسى كەلەدى. دوستى سولاي تابادى عوي الەۋمەتتەنۋ ارقىلى. ءبىر-بىرىمەن قارىم-قاتىناس جاساۋ ارقىلى. ال وسىنى كەيدە قاتە تۇسىنەتىن بالالار بار بىزدە. ويتكەنى كەيبىر اتا-انالار بار، بالالارىنا «ساعان كىم ءتيىستى؟ نە ىستەدى؟ سەن وعان قالاي قايتارىم بەردىڭ» دەپ ايتاتىن، - دەيدى №111-ورتا مەكتەپتىڭ پسيحولوگى جادىرا احتانوۆا.
بليس وقۋشىلار:
- ونداي ماسەلەلەردى مەن ەستىدىم، ءوز كوزىممەن كوردىم. سونداي كەزدە مەنىڭ ويىمشا قوعامنىڭ كومەگى وتە ماڭىزدى. ويتكەنى ونداي ادامدى جامان پسيحولوگيالىق جاعدايدا جالعىز قالدىرۋ - وتە ناشار جاعداي.
- ول ءبىرىنشى ادامنىڭ پسيحولوگياسىن، ءوز-وزىنە دەگەن قارىم قاتىناسىن، جانە ومىرىنە ۇلكەن زيان كەلتىرەدى.
- بالانىڭ كىشكەنتاي كەزىنەن باستاپ اتا- انا جاۋاپكەرشىلىك الۋ كەرەك.
ءيا، اتا-انا بالا ءۇشىن قاشان دا جاۋاپتى. ءتىپتى بالاسىنىڭ بۋللينگ ارەكەتى ءۇشىن شامامەن 37 مىڭ تەڭگە ايىپپۇل تولەيدى.
- وتكەن جىلى بۇل باپ بويىنشا 182 قۇقىق بۇزۋشىلىق تىركەلگەن، ال بيىلعى ءۇش ايدا 54 ادام تىركەلىپ وتىر. نەگىزىنەن سوت ولارعا ەسكەرتۋ جاساۋمەن شەكتەلگەن. اتا-انالارعا ايتقىم كەلەتىنى، ءوز جاۋاپكەرشىلىكتەرىڭىزدى پەداگوگتار مەن قۇقىق قورعاۋ ورگاندارىنا جۇكتەۋ دۇرىس ەمەس. بالانىڭ بولاشاعى ءۇشىن ءبىرىنشى كەزەكتە اتا انا جاۋاپتى، - دەيدى ق ر ءى ءى م اكىمشىلىك پوليتسيا كوميتەتى باسقارما باستىعىنىڭ ورىنباسارى جاسۇلان جۇمانالين.
ايتا كەتەيىك، قاڭتار ايىنان باستاپ بالالار قۇقىعىن قورعاۋدا جانە ولارعا پسيحولوگيالىق قولداۋ كورسەتۋ ماقساتىندا مەكتەپتەر مەن كوللەدجدەردە «111» بايلانىس ورتالىعىنىڭ QR كودى ىسكە قوسىلدى. بىلتىر ءدال وسى ورتالىققا 1000 عا جۋىق بالادان ءوتىنىش كەلىپ تۇسكەن ەكەن. ەندى ماماندار وتكەن جىلى ەلىمىزدىڭ مەكتەپتەرىندە بۋللينگكە قارسى ەنگىزىلگەن ارنايى باعدارلامانىڭ ناتيجەسىن كۇتىپ وتىر.
- قازىر ءبىز وسى ماسەلە توڭىرەگىندە جۇمىس ىستەپ جاتىرمىز. وتكەن جىلى ەلىمىزدىڭ مەكتەپتەرىندە بۋللينگكە قارسى پيلوتتىق رەجيمدە ەكى باعدارلاما ەنگىزىلدى. ءبىرى شەتەلدىك كيۆا جانە وتاندىق «دوس بولايىق» باعدارلاماسى. مامىر ايىندا وسى ەكى باعدارلامانىڭ ناتيجەسىن شىعارامىز. سوعان قاراي كەلەسى وقۋ جىلىندا ءار مەكتەپ ءوز قالاۋى بويىنشا باعدارلامانى تاڭداپ، ەنگىزەتىن بولادى، - دەيدى وقۋ-اعارتۋ مينيسترلىگى بالالاردىڭ قۇقىعىن قورعاۋ كوميتەتى ءتوراعاسىنىڭ ورىنباسارى يۋليا وۆەچكينا.
مامانداردىڭ ايتۋىنشا، بۋللينگپەن كۇرەسۋ ءۇشىن بالا، اتا-انا جانە مەكتەپ بىرلەسىپ جۇمىس ىستەۋى قاجەت. قوعامداعى ءاربىر ادام بۇل ماسەلەگە بەيجاي قاراماۋى ءتيىس.
1-قىركۇيەكتە ەل مەكتەپتەرى مەن كوللەدجدەرىندە بۋللينگكە قارسى جوبا ىسكە قوسىلاتىنىن جازعان بولاتىنبىز.
