بالالارى شۋلاعانى ءۇشىن كەلۋشىلەردەن اقى الاتىن مەيرامحانا بار

 بالالارى شۋلاعانى ءۇشىن
pixabay.com

 ا ق ش-تاعى مەيرامحانا بالالارىن «تاربيەلەي المايتىن ەرەسەكتەردەن» قوسىمشا 40 فۋنت (شامامەن 49 دوللار) الىپ وتىر. Kazinform بۇل تۋرالى Sky News-كە سىلتەمە جاساپ حابارلايدى. 

اشۋلى اتا-انالار كەي تۇتىنۋشىلارىنان بالالارىن قاداعالاماعانى ءۇشىن اقى الاتىن ا ق ش-تىڭ دجوردجيا شتاتىنداعى Toccoa Riverside مەيرامحاناسىنا بارماۋعا شاقىرادى. كليەنتتەردىڭ ءبىرى بالالارىنىڭ ءتارتىبى جاقسى بولعانىمەن، ولارعا ايىپپۇل سالىنعانىن ايتتى.

Toccoa Riverside مەيرامحاناسى ۇسىنعان اس ءمازىرىنىڭ تومەنگى جاعىندا «اتا-انا بولا المايتىن ەرەسەكتەر ءۇشىن ايىپپۇل» تۋرالى جازىلعان.

مازىردە «قۇرمەت جوق بولسا، قىزمەت جوق» دەگەن دە جازبا بار.

كەيبىر كەلۋشىلەر مۇندا تاماقتانىپ، شوتتارىن تولەگەن كەزدە وزدەرىنە ايىپپۇل سالىنعانىن ايتتى.

كايل لاندمانن ينتەرنەتتە قالدىرعان پىكىرىندە مەيرامحانا يەسى بالالارىنىڭ تارتىبىنە بايلانىستى شوتىنا 50 دوللار (£41) قوسقانىن جازدى.

ول بالالارىنىڭ تاماق اكەلگەنشە پلانشەتتەن ۆيدەو كورگەنىن، سوسىن ول شوتتى تولەگەنشە تىنىش تاماقتانىپ، دالاعا شىققانىن ايتتى.

بالالار داستارقاننىڭ ءبىر شەتىندە وتىرىپ، وزدەرىن جاقسى ۇستاعانى سونشا، اتا-اناسى ولاردىڭ مۇنشالىقتى ءتارتىپتى بولعانىنا سەنبەگەن.

بالالاردىڭ اناسىنىڭ ايتۋىنشا، وتباسى تاماقتانىپ بولعان بويدا قاسىنا مەيرامحانا يەسى كەلگەن. ولار بالالارىنىڭ ءتارتىبى ءۇشىن ماقتاۋ ەستيمىز دەپ ويلادى. الايدا مەيرامحانا يەسى بالالارىنىڭ «شۋلاپ»، «كوشەدە جۇگىرىپ جۇرگەنىن» ايتتى.

Sky News اگەنتتىگىنىڭ تىلشىلەرى قوسىمشا اقپارات الۋ ءۇشىن مەيرامحاناعا حابارلاستى، ءبىراق قىزمەتكەرلەردىڭ ءبىرى مەيرامحانانىڭ كوپتەگەن جىلدار بويى ۇستانعان ساياساتى تۋرالى تۇسىنىكتەمە بەرمەيتىنىن ايتتى.

سوڭعى جاڭالىقتار