بالالاردى قورعاۋ كۇنى الماتىدا قالاي تويلانادى
الماتى. قازاقپارات - 1-ماۋسىم - بۇكىلالەمدىك بالالاردى قورعاۋ كۇنىنە وراي الماتىدا ءبىرقاتار مادەني شارا ۇيىمداستىرىلادى. بالالار مەرەكەسىن تويلاۋ 30-مامىردان باستالادى.
30-مامىردا ساعات 10:00- دە № 6-كىتاپحانادا «بالالاردىڭ كۇلكىسى الەمدى ارلەيدى» سۋرەتتەر بايقاۋى وتەدى؛
مەملەكەتتىك قۋىرشاق تەاترىندا 31-مامىردا ساعات 11:00-دە بيىل تۇساۋى كەسىلگەن «ەتىك كيگەن مىسىق» سپەكتاكلى كورسەتىلەدى، سودان كەيىن جاس كورەرمەندەر «ۇيشىك» قويىلىمىن 14:30-دا قازاق تىلىندە جانە 16:00- دە ورىس تىلىندە كورە الادى.
1-ماۋسىم - بالالاردى قورعاۋ كۇنى قالانىڭ ءار تۇكپىرىندە ءتۇرلى مەرەكەلىك باعدارلامالار ۇيىمداستىرىلادى.
باستى كونسەرت ورتالىق مادەنيەت جانە دەمالىس ساياباعىندا ساعات 11.00-دە وتەدى. ساحنادا قازاقستاندىق ەسترادا جۇلدىزدارى، سونداي-اق بالالار ۆوكالدىق جانە ءبي ۇجىمدارى ونەر كورسەتەدى.
د. ا. قونايەۆ اتىنداعى مۋزەي ۇيىندە ساعات 11:00-دە جانە 15:00-دە «مەنىڭ مۋزەيىم» اتتى ەكسكۋرسيامەن قاتار كۆەست- ويىن وتەدى.
ن. تىلەنديەۆ مەموريالدىق مۋزەيىندە ساعات 12:00-دە «بالالىق شاققا ساياحات» اتتى اشىق ساباق وتكىزۋ جوسپاردا؛
سونىمەن قاتار، بالالاردى قورعاۋ كۇنى قالانىڭ كەيبىر اۋدانىندا مىناداي مەرەكەلىك شارالار وتەدى:
- الاتاۋ اۋدانىندا ساعات 11:00-دە نۇركەنت، 5/11-مەكەنجايىندا ورنالاسقان مۋلتيمەديالىق ءداستۇرلى مۋزىكالىق ورتالىعىندا بالالارعا ارنالعان ەكسكۋرسيا ۇيىمداستىرىلادى.
- اۋەزوۆ اۋدانىندا ساعات 11:00-دە Family Park دەمالىس ساياباعىندا مەرەكەلىك كونسەرت، سونداي-اق سپورتتىق ويىندار مەن شىعارماشىلىق بەلسەندىلىك وتەدى.
- المالى اۋدانىندا ساعات 11:00-دەن 16:00-گە دەيىن ماحاتما گاندي ساياباعىندا حالىقارالىق بايقاۋلار مەن فەستيۆالدار لاۋرەاتتارىنىڭ جانە اۋداننىڭ شىعارماشىلىق ۇيىمدارىنىڭ انسامبلدەرىنىڭ قاتىسۋىمەن كونسەرتتىك باعدارلاما ۇيىمداستىرىلادى.
- جەتىسۋ اۋدانىندا ساعات 10:00-دە گۇلدەر ساياباعىندا Damu Bala باعدارلاماسىنىڭ قاتىسۋشىلارىمەن مەرەكەلىك كونسەرت، سونداي-اق كورمە، ءتۇرلى شەبەرلىك دارىستەرى مەن شاحماتتان تۋرنير وتەدى.
- مەدەۋ اۋدانىندا ساعات 13:00-دە ورتالىق مادەنيەت جانە دەمالىس ساياباعىندا، سونداي-اق الاتاۋ شاعىناۋدانىندا ساعات 11:00-دە اۋداننىڭ شىعارماشىلىق ۇجىمدارىنىڭ قاتىسۋىمەن مەرەكەلىك كونسەرت بولادى.
- ناۋرىزباي اۋدانىندا ساعات 18:00-دە شۇعىلا، 347-مەكەنجايىنداعى امفيتەاتر اۋماعىندا كونسەرتتىك باعدارلاما، قولونەر جارمەڭكەسى جانە سۋرەت كورمەسى ۇيىمداستىرىلادى.
- تۇركسىب اۋدانىندا ساعات 10:00-دە س. سەيفۋللين اتىنداعى ساياباقتا ونەر ۇجىمدارى مەن انسامبلدەردىڭ قاتىسۋىمەن كونسەرتتىك باعدارلاما وتەدى، سونداي-اق بالالارعا ارنالعان ءتۇرلى كۆەستەر، شىعارماشىلىق شەبەرلىك دارىستەرىمەن سپورتتىق ويىندار بولادى.
اۆتور
الما مۇقانوۆا
