بالالارعا ارنالعان «جوشى حان كىم؟» اتتى كىتاپ جارىق كوردى
استانا. KAZINFORM - جازۋشى ۇلاربەك دالەي ۇلىنىڭ بالالارعا ارنالعان «جوشى حان كىم؟» اتتى كىتابى جارىق كوردى، دەپ حابارلايدى قازاقپارات ءتىلشىسى.
Mazmundama باسپاسىنان جارىق كورگەن تۋىندى، بالالاردىڭ تاريحي تانىمدىق كوزقاراسىن وياتۋعا ۇلكەن كومەگىن تيگىزەتىنىن ايتادى جازۋشى.
«تاريحىن تانىماعان ۇلتتىڭ تامىرى قۋرايتىنى بەلگىلى. الدىمىزداعى ۇلى مىندەت - جاس وسكىندى شىن تاريحىمەن سۋسىنداتۋ. سول ارقىلى رۋحى مەن نامىسىن تۇرتكىلەۋ. ال، رۋحى بەرىك، نامىسى وياۋ ۇلت ەشكىمگە ەسەسىن جىبەرمەيدى. رۋح پەن نامىس بولسا، قالعانى ءوز اياعىمەن كەلەدى. «جوشى حان جايلى شاعىن دەرەكتەر جيناعىن جازىڭىزشى. «جوشى حان دەگەن كىم» دەپ سۇراعان وقۋشىلارعا كەيدە نە ايتارىمدى بىلمەي قالامىن» دەپ جۇرگەن مۇعالىمدەر ءۇشىن دە ءبىر سەبى تيەر دەگەن ويدامىن. كىتاپتىڭ دەرەكتەر ىزىنە رەداكسيا جاساعان جوشى ۇلىسىن عىلىمي-زەرتتەۋ ينستيتۋتىنىڭ عالىمدارى»، - دەيدى جازۋشى ۇلاربەك دالەي ۇلى.
ايتا كەتەيىك، ءساۋىر ايىندا ۇلاربەك دالەي ۇلىنىڭ قازاق جانە الەم ادەبيەتىندە جوشى حان جايلى جازىلعان تۇڭعىش رومانى جارىق كورگەن ەدى.
اۆتور
ريزابەك نۇسىپبەك ۇلى
