بالالار ومبۋدسمەنى اشىق ليۋكتەر ءۇشىن اكىمدەردى جازالاۋعا شاقىرادى
ەكى اپتا ىشىندە قىزىلوردا مەن تۇركىستان وبلىستارىندا ەكى بالا كارىز قۇدىقتارىنا قۇلاپ قايتىس بولدى. ەكى جاعدايدا دا ليۋكتەر اكىمدىكتەرگە تيەسىلى بولدى. بۇل تۋرالى بالالار ومبۋدسمەنى دينارا زاكيەۆا ءمالىم ەتتى، دەپ حابارلايدى Kazinform.
«تولىق تەكسەرۋ جۇرگىزىپ، ينفراقۇرىلىم قاۋىپسىزدىگىن قامتاماسىز ەتپەگەن جانە بالالار ولىمىنە اكەپ سوققان نەمقۇرايلىلىققا جول بەرگەن لاۋازىمدى تۇلعالاردى جاۋاپقا تارتۋ قاجەت دەپ سانايمىن. وسى سالاعا جەتەكشىلىك ەتەتىن جەرگىلىكتى اتقارۋشى ورگانداردىڭ باسشىلارىن، اتالعان اۋدان اكىمدەرىن دە جاۋاپقا تارتۋ قاجەت»، - دەپ جازدى دينارا زاكيەۆا الەۋمەتتىك جەلىدە.
بالالار ومبۋدسمەنى بۇل ۇندەۋىن ءتيىستى ورگاندارعا جىبەرەتىنىن ايتتى.
«تامىز ايىندا ءبىز مەملەكەتتىك ورگاندارمەن بىرلەسىپ، ينفراقۇرىلىمنىڭ قاۋىپسىزدىگىن قامتاماسىز ەتۋ شارالارى، اتاپ ايتقاندا اشىق ليۋكتەرگە قاتىستى ماسەلە كوتەردىك، ق ر پرەمەر-ءمينيسترىنىڭ ورىنباسارى ءتيىستى تاپسىرمالار بەردى، ەرىكتىلەرمەن بىرگە بارلىق وڭىرلەردە رەيد تە ۇيىمداستىرىلعان بولاتىن»، - دەپ قوستى ول.
ەستەرىڭىزگە سالا كەتەيىك، تۇركىستاندا ويناپ كەلۋگە شىعىپ، ءىز-ءتۇزسىز جوعالىپ كەتكەن 4 جاسار بالا بىرنەشە كۇن ىزدەلگەن بولاتىن. 3-جەلتوقسان كۇنى كۇندىز بالانىڭ دەنەسى كورشى ءۇيدىڭ جانىنداعى سەپتيكتەن تابىلدى.
اۆتور
ەركەجان سماعۇلوۆا
