باكۋدەگى سامميتتە قازاقستان جاسىل ەنەرگەتيكاعا شامامەن 3,7 ميلليارد دوللار ينۆەستيتسيا تارتتى
استانا. KAZINFORM - قازاقستاننىڭ ەنەرگەتيكا ءمينيسترى الماسادام ساتقاليەۆ باكۋدە (ازەربايجان) ب ۇ ۇ- نىڭ كليماتتىڭ وزگەرۋى جونىندەگى نەگىزدەمەلىك كونۆەنتسياسىنىڭ 29- كليماتتىق سامميتى «جاسىل» ەنەرگەتيكانى دامىتۋ سالاسىنداعى حالىقارالىق كومپانيالارمەن جانە دامۋ ينستيتۋتتارىمەن ىنتىماقتاستىق تۋرالى ءبىرقاتار قۇجاتقا قول قويدى.
اتاپ ايتقاندا، ەنەرگەتيكا ءمينيسترى قازاقستان ەنەرگەتيكا مينيسترلىگى مەن ازيا دامۋ بانكى (ا د ب) اراسىندا ءوزارا تۇسىنىستىك تۋرالى مەموراندۋمعا قول قويدى.
قۇجات ماقساتى كومىر ستانسيالارىن پايدالانۋدان شىعارۋدى جەدەلدەتۋ جانە جاڭارتىلاتىن ەنەرگيا كوزدەرىن پايدالانۋدى ۇلعايتۋ، ەنەرگيا تيىمدىلىگىن ارتتىرۋ جانە ەلەكتر ەنەرگياسى مەن جىلۋ ەنەرگياسىن وندىرۋدە جاڭا تەحنولوگيالاردى ەنگىزۋ بولىپ تابىلاتىن ا د ب ەنەرگەتيكالىق اۋىسۋ تەتىگى ارقىلى كومىرتەگى بەيتاراپتىعى جونىندەگى ماقساتتارعا قول جەتكىزۋدەگى ىنتىماقتاستىقتى كوزدەيدى.
قول قويىلعان قۇجاتتاردىڭ قاتارىندا قىتاي حالىق رەسپۋبليكاسىنىڭ ۇكىمەتىمەن جاڭارتىلاتىن ەنەرگيا كوزدەرى سالاسىنداعى جوبالاردى ىسكە اسىرۋ تۋرالى كەلىسىم دە بار، ول تاراپتار اراسىنداعى جاڭارتىلاتىن ەنەرگيا كوزدەرى سالاسىنداعى جوبالاردى ىلگەرىلەتۋ، ازىرلەۋ جانە ىسكە اسىرۋ، قازاقستان رەسپۋبليكاسىنىڭ اۋماعىندا ورنىقتى دامۋ، ەكولوگيالىق تازا تەحنولوگيالارعا كوشۋ جانە شىعارىندىلاردى قىسقارتۋ ارقىلى جاھاندىق جىلىنۋعا قارسى كۇرەستە ءوزارا ءىس-قيمىلدى كوزدەيدى. وسى جوبالار بويىنشا ينۆەستيتسيالار سوماسى 2 ميلليارد ا ق ش دوللارىنان اسادى دەپ بولجانىپ وتىر.
سونداي- اق قازاقستان رەسپۋبليكاسىنىڭ جامبىل وبلىسىنداعى جەل ەلەكتر ستانسياسىنىڭ جوباسىنا قاتىستى ABU DHABI FUTURE ENERGY COMPANY PJSC (MASDAR) كومپانياسىمەن ينۆەستيتسيالار تۋرالى كەلىسىم جاسالدى. وسى جوبا بويىنشا ينۆەستيتسيالاردىڭ كۇتىلەتىن سوماسى 1,5 ميلليارد ا ق ش دوللارىن قۇرايدى.
بۇل قۇجات جاڭارتىلاتىن ەنەرگيا كوزدەرىنىڭ جوبالارىن دامىتۋ، «جاسىل اۋىسۋدى» ىسكە اسىرۋ، كومىرتەگى ەميسسياسىن قىسقارتۋ جانە كليماتتىڭ وزگەرۋىنە قارسى كۇرەس ماقساتىندا ب ا ءا- مەن قول قويىلعان ۇكىمەتارالىق كەلىسىمدى ىسكە اسىرۋ شەڭبەرىندە جاسالدى.
سونىمەن قاتار كونفەرەنتسيا اياسىندا قازاقستاننىڭ ەنەرگەتيكا ءمينيسترى ب ۇ ۇ ە ە ك، ACWA Power جانە Masdar، ا د ب كومپانيالارىنىڭ وكىلدەرىمەن ءبىرقاتار كەزدەسۋلەر وتكىزدى.
اڭگىمەلەسۋ بارىسىندا ا. ساتقالييەۆ ەنەرگەتيكا سەكتورىنداعى جاڭا باستامالار شەڭبەرىندە ىنتىماقتاستىقتى جالعاستىرۋ تۋرالى نيەتىن ءبىلدىردى.
«قازاقستان جەك سەكتورىنىڭ ينۆەستيتسيالىق تارتىمدىلىعىن ارتتىرۋ ءۇشىن زاڭنامالىق بازانى بەلسەندى تۇردە جاڭارتۋدا. ءبىزدىڭ ەلىمىز ءارقاشان اشىق جانە بەلسەندى ىنتىماقتاستىققا دايىن»، - دەپ اتاپ ءوتتى مينيستر.
انىقتاما: ب ۇ ۇ- نىڭ كليماتتىڭ وزگەرۋى تۋرالى نەگىزدەمەلىك كونۆەنسياسى (SOP29) تاراپتارى كونفەرەنسياسىنىڭ 29- سەسسياسى باكۋدە 11-22 -قاراشا ارالىعىندا وتەدى. COP29 اياسىندا 12-13 -قاراشادا ەڭ جوعارى دەڭگەيدەگى ءىس-شارا- كليماتتىق قىزمەت بويىنشا الەمدىك كوشباسشىلار سامميتى وتەدى.
