باكۋ ەريەۆاندى تەز ارادا بەيبىت كەلىسىمگە قول قويۋعا شاقىردى

استانا. KAZINFORM - ازەربايجان تاراپى ارمەنيانى بىتىمگەرشىلىك كەلىسىمگە قول قويۋ پروتسەسىن جەدەلدەتۋگە شاقىردى، دەپ حابارلادى ازەربايجان پرەزيدەنتىنىڭ ارنايى وكىلى ەلچين اميربەكوۆ ارگەنتينالىق Perfil باسىلىمىنا بەرگەن سۇحباتىندا. بۇل تۋرالى Kazinform ءتىلشىسى حابارلايدى.

- ارمەنيانى كەلىسىمگە كەلۋگە يتەرمەلەيتىن فاكتورلاردىڭ ءبىرى - بۇل مۇمكىندىكتىڭ ماڭگىلىك بولمايتىنىن ءتۇسىنۋ جانە ونى جىبەرىپ الۋ قاتەلىك، - دەدى ە. اميربەكوۆ.

ونىڭ ايتۋىنشا، وسى ايدا اياقتالعان باكۋ مەن ەريەۆان اراسىنداعى بىتىمگەرشىلىك كەلىسىمىنىڭ ءماتىنى بويىنشا كەلىسسوزدەر قارىم-قاتىناستاردى قالىپقا كەلتىرۋگە جانە ديپلوماتيالىق بايلانىستاردى ورناتۋعا جول اشادى.

- الايدا بۇل ءۇشىن ارمەنيا كونستيتۋتسياسىنا وزگەرىستەر ەنگىزىپ، اۋماقتىق تالاپتاردان باس تارتىپ، شەكارالاس ايماقتاردان شەتەلدىك كۇشتەردى شىعارۋى كەرەك. بەيبىتشىلىك كەلىسىمى سوڭى ەمەس، باستاماسى. «بەيبىتشىلىك مالىمدەمەلەرگە ەمەس، ناقتى قادامدارعا نەگىزدەلەدى»، - دەدى ازەربايجان شەنەۋنىگى.

بۇعان دەيىن ارمەن پرەسس اگەنتتىگى ارمەنيا پرەمەر-ءمينيسترى نيكول پاشينياننىڭ ازەربايجانمەن قازىردىڭ وزىندە كەلىسىلگەن بىتىمگەرشىلىك كەلىسىم جوباسىنا قول قويۋعا دايىن ەكەنىن، 18-ناۋرىزدا باكۋ ەريەۆانمەن بەيبىتشىلىك ورناتۋدىڭ نەگىزگى شارتتارىن اتادى، ونىڭ ىشىندە شەكاراداعى قارۋلى ارانداتۋشىلىقتاردى توقتاتۋ جانە ارمەنيا كونستيتۋتسياسىنا تۇزەتۋلەر ەنگىزۋ بار.

13-ناۋرىزدا ازەربايجان مەن ارمەنيانىڭ سىرتقى ىستەر مينيسترلىكتەرى تاراپتار كەلىسسوزدەردى اياقتاپ، بىتىمگەرشىلىك كەلىسىمىنىڭ جوباسىن كەلىسكەنىن راستادى.

اۆتور

ەركەجان سماعۇلوۆا