ب ۇ ۇ: يزرايل بلوكاداسى گازانى «جەر بەتىندەگى ەڭ اش ايماققا» اينالدىردى
استانا. KAZINFORM - پالەستينا انكلاۆىنىڭ ءاربىر تۇرعىنى ازىق-تۇلىك قورىنىڭ جەتىسپەۋشىلىگىنەن ابدەن اشتىققا ۇشىرادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
يزرايل گازا سەكتورىنا گۋمانيتارلىق كومەكتىڭ از عانا بولىگىن بەرۋگە رۇقسات بەرىپ وتىر. بۇل تۋرالى جۇما كۇنى ب ۇ ۇ گۋمانيتارلىق ىستەردى ۇيلەستىرۋ باسقارماسىنىڭ وكىلى يەنس لاركە ءمالىم ەتتى. ول انكلاۆتى «جەردەگى ەڭ اشتىققا ۇشىراعان ايماق» دەپ اتادى، دەپ جازدى Reuters.
ب ۇ ۇ مالىمەتىنشە، گازا سەكتورىمەن شەكاراعا گۋمانيتارلىق جۇك تيەلگەن 900 جۇك كولىگىنىڭ تەك 600 ىنە عانا يزرايل شەكاراسىنا جەتۋگە رۇقسات ەتىلگەن. ءبىراق ودان كەيىن دە، لاركەنىڭ ايتۋىنشا، «بيۋروكراتيالىق پروتسەدۋرالار مەن قاۋىپسىزدىك شەكتەۋلەرى» گازانىڭ وزىنە كومەك جەتكىزۋدى ءىس جۇزىندە مۇمكىن ەمەس ەتەدى.
- بار بولعانى ۇن اكەلە الدىق. ال ۇن جەۋگە دايىن تاعام ەمەس. ونى ءپىسىرۋ كەرەك. گاز، وتىن نەمەسە تاماق پىسىرەتىن جابدىق جوق جاعدايدا بۇل مۇمكىن ەمەس، - دەدى لاركە جەنيەۆاداعى بريفينگتە.
ونىڭ ايتۋىنشا، گازا سەكتورى تۇگەلدەي اشتىققا ۇشىراۋ قاۋپىندە تۇر.
حالىقارالىق قىزىل كرەست جانە قىزىل جارتى اي كوميتەتىنىڭ وكىلى تومماسو دەللا لونگا انكلاۆتاعى مەديتسينالىق مەكەمەلەردىڭ جارتىسى جۇمىس ىستەمەيتىنىن اتاپ ءوتتى. وعان جانار-جاعارماي تاپشىلىعى، سونداي-اق ومىرلىك قاجەتتى قۇرال- جابدىقتار مەن ءدارى- دارمەكتىڭ جەتىسپەۋى سەبەپ.
حالىقارالىق ۇيىمدار ءيزرايلدى گازا سەكتورىنا گۋمانيتارلىق كومەكتىڭ قاۋىپسىز جانە كەدەرگىسىز جەتۋىن قامتاماسىز ەتۋگە شاقىرۋدى جالعاستىرىپ جاتىر. ب ۇ ۇ وكىلدەرىنىڭ ايتۋىنشا، جەردەگى جاعداي تەز ناشارلاپ، اۋقىمدى گۋمانيتارلىق اپات قاۋپى بارعان سايىن شىندىققا اينالىپ جاتىر.
ايتا كەتەيىك، جاقىندا عانا انكلاۆتا ا ق ش- تىڭ قولداۋىمەن يزرايل قۇرعان گازا گۋمانيتارلىق قورىنىڭ جاڭا تاراتۋ ورتالىعى جۇمىس ىستەي باستادى. ونىڭ ماقساتى - گۋمانيتارلىق كومەكتىڭ حاماس- تىڭ قولىنا تۇسۋىنە جول بەرمەۋ.
ءبىراق انكلاۆتاعى كومەكتى تاراتۋ مەحانيزمى ب ۇ ۇ مەن حالىقارالىق گۋمانيتارلىق ۇيىمدار تاراپىنان سىنعا ۇشىراپ، قولداۋدان باس تارتتى. ءبولۋدىڭ العاشقى كۇندەرى پالەستينالىقتار اراسىندا قۇرباندار مەن جاراقات العاندار بولدى.
ءبىر كۇن بۇرىن يزرايل بيلىگى حاماس جەتەكشىسىنىڭ جويىلعانى تۋرالى بۇرىنعى اقپاراتتى جاريا تۇردە راستادى.
