ب ق و- دا سۋ تاسقىنىنىڭ ەكىنشى كەزەڭى جالعاسىپ جاتىر

استانا. KazInform - ەلىمىزدەگى سۋ قويمالارىنىڭ بارلىعى دەرلىك تولدى. بۇل تۋرالى سۋ رەسۋرستارى جانە يرريگاتسيا مينيسترلىگىنىڭ رەسمي وكىلى ءمولدىر ابدۋاليەۆا ايتتى.

«قازسۋشار» مەكەمەسى باتىس قازاقستان وبلىسى فيليالىنىڭ ماماندارى تاسقىن سۋىن قاۋىپسىز وتكىزۋ ءىس- شارالارىن اتقارىپ جاتىر. ايماقتا سۋ تاسقىنىنىڭ ەكىنشى كەزەڭى جالعاسۋدا. وبلىستىڭ ءتورت ءىرى سۋ قويماسى %90 عا تولدى. ورال قالاسىنداعى جايىق وزەنىنىڭ دەڭگەيى — 838 س م. ول ءبىر تاۋلىكتە 8 س م- گە تومەندەدى. اقمولا وبلىسىندا استانا جانە سىلەتى سۋ قويمالارى %100 عا تولى. ەكى نىسان دا شتاتتىق كەستەگە ساي جۇمىس ىستەيدى. ايماقتا سۋ تاسقىنىنىڭ بەلسەندى كەزەڭى ءوتتى»، - دەدى ول ورتالىق كوممۋنيكاتسيالار قىزمەتىندەگى بريفينگتە.

ونىڭ دەرەگىنشە، سولتۇستىك قازاقستان وبلىسىنداعى 2 ءىرى سۋ قويماسى %100 عا تولى جانە ترانزيتتىك رەجيمدە جۇمىس ىستەپ تۇر. ەسىل وزەنىندە سۋ تاسقىنىنىڭ ەكىنشى كەزەڭى جالعاسۋدا. سەرگەيەۆ سۋ قويماسىنىڭ ەرنكۋى ارقىلى سۋدىڭ اسىپ كەتۋ بيىكتىگى 175 س م- گە دەيىن تومەندەدى. اقتوبە وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى- %97. ەكى نىسان دا شتاتتىق كەستەگە ساي جۇمىس ىستەيدى. مۇندا سۋ تاسقىنىنىڭ بەلسەندى كەزەڭى ءوتتى.

شىعىس قازاقستان وبلىسىنداعى ەكى ءىرى سۋ قويماسى بويىنشا ورتاشا سۋ جيناۋ كورسەتكىشى %83. سۋ تاسقىنى جالعاسۋدا. اباي وبلىسىندا ءشۇلبى سۋ قويماسى %40 عا تولدى. ايماقتا سۋ تاسقىنى جالعاسۋدا. قاراعاندى وبلىسىندا 3 ءىرى سۋ قويماسى %98,4 عا تولى. ولاردىڭ بارلىعى شتاتتىق رەجيمدە جۇمىس ىستەيدى. سۋ تاسقىنىنىڭ بەلسەندى كەزەڭى ءوتتى.

«قوستاناي وبلىسىنداعى ەكى ءىرى سۋ قويماسىنىڭ ورتاشا سۋ جيناۋ كورسەتكىشى %92. ەكى نىسان دا شتاتتىق كەستەگە ساي جۇمىس ىستەيدى. ايماقتاعى سۋ تاسقىنىنىڭ بەلسەندى كەزەڭى ءوتتى. سۋ قويمالارىندا «قازسۋشار» ماماندارىنىڭ تاۋلىك بويى كەزەكشىلىگى جانە سۋ شارۋاشىلىعى جاعدايىنىڭ مونيتورينگى جالعاسۋدا»، - دەدى رەسمي وكىل.