ب. مومىش ۇلى، ق. قايسەنوۆ، ەسەت باتىر: اسكەري بولىمدەرگە قازاق باتىرلارىنىڭ ەسىمى بەرىلدى

استانا. KAZINFORM - توتەنشە جاعدايلار مينيسترلىگىنىڭ اسكەري بولىمىنە ەكىنشى دۇنيەجۇزىلىك سوعىستىڭ داڭقتى باتىرى، حالىق قاھارمانى باۋىرجان مومىش ۇلىنىڭ ەسىمى بەرىلدى.

ۇكىمەت قاۋلىسى بويىنشا:

توتەنشە جاعدايلار مينيسترلىگىنىڭ №28237 اسكەري ءبولىمىن «باۋىرجان مومىش ۇلى اتىنداعى 28237 اسكەري ءبولىمى» دەپ؛

№ 68303 اسكەري ءبولىمىن «قاسىم قايسەنوۆ اتىنداعى 68303 اسكەري ءبولىمى» دەپ؛

№52859 اسكەري ءبولىمىن «مارتبەك مامرايەۆ اتىنداعى 52859 اسكەري ءبولىمى» دەپ؛

№20982 اسكەري ءبولىمىن «كوكى ۇلى ەسەت باتىر اتىنداعى 20982 اسكەري ءبولىمى» دەپ اتالاتىن بولدى.

بۇل شەشىمگە رەسپۋبليكالىق ونوماستيكا كوميسسياسىنىڭ 24-قاڭتارداعى قورىتىندىسى نەگىز بولعان.

ايتا كەتۋ كەرەك، يدەولوگيالىق تۇرعىدان ەسكىرگەن اتاۋلاردى قايتا اتاۋ جونىندەگى 2022−2025 -جىلدارعا ارنالعان جول كارتاسىنىڭ اياسىندا 3 مىڭعا جۋىق ونوماستيكالىق اتاۋدى قازاقستاننىڭ مەملەكەتتىلىگىنە ساي ەتۋ كوزدەلگەن.

اتالعان قۇجاتتىڭ اياسىندا 2021 -جىلى 68 ەلدى مەكەن مەن ولاردىڭ 572 قۇرامداس بولىگىنىڭ اتاۋلارى وزگەرتىلگەن.