ب ا ق وكىلىنە اۋزىن قيسايتقان سۋديانىڭ ارەكەتى تەكسەرىلەتىن بولادى
شىمكەنت. KAZINFORM- الەۋمەتتىك جەلىدە تاراعان ۆيدەودان شىمكەنت قالالىق سوتىنىڭ سۋدياسى ءابىنۇر قارابايەۆتىڭ ب ا ق وكىلىنە قاراپ اۋزىن قيسايتقانىن كورۋگە بولادى.
شىمكەنت قالالىق سوتىنىڭ باسپا ءسوز قىزمەتى سۋديانىڭ ارەكەتىنە زاڭناما تالاپتارىنا سايكەس قىزمەتتىك تەكسەرۋ تاعايىندالاتىن حابارلادى.
- شىمكەنت قالاسى اكىمىنىڭ ورىنباسارىنا قاستاندىق جاساۋعا قاتىستى قىلمىستىق ءىستى قاراۋ بارىسىندا ءتوراعالىق ەتۋشى سۋديا ءابىنۇر قارابايەۆتىڭ ارەكەتتەرى سۋديالىق ادەپ كودەكسىن بۇزۋ- بۇزباۋ تۇرعىسىنان تەكسەرىلەدى. ونىڭ قورىتىندىسى بويىنشا ماتەريالدار سۋديا ادەبى جونىندەگى كوميسسيانىڭ قاراۋىنا شىعارىلادى. ەگەر سۋديانىڭ ار-نامىسىنا داق تۇسىرەتىن تەرىس قىلىق جاساعانى راستالسا، ماتەريالدار جوعارى سوت كەڭەسى جانىنداعى سوت القاسىنا جولدانادى - دەلىنگەن اقپاراتتا.
سونداي-اق، شىمكەنت قالالىق سوتىنىڭ باسپا ءسوز قىزمەتى قانداي جاعداي بولماسىن، سۋديالار كاسىبي ادەپ نورمالارىن قاتاڭ ساقتاپ، قوعامنىڭ سوت جۇيەسىنە دەگەن سەنىمىنىڭ جوعارى دەڭگەيىن قامتاماسىز ەتۋگە مىندەتتى ەكەندىگىن جەتكىزدى.
ايتا كەتەيىك، بۇدان بۇرىن رۋسلان بەردەنوۆ ىسىندە پروكۋرور ايىپكەرگە 11 جىل 3اي باس بوستاندىعىنان ايىرۋ جازاسىن تاعايىنداۋدى سۇراعانىن جازعان بولاتىنبىز.
اۆتور
قايرات زاينيشيەۆ
