ب ۇ ۇ ا ق ش- قا ەسكەرتۋ جاسادى
استانا. قازاقپارات - ب ۇ ۇ تاياۋ شىعىستاعى احۋالعا الاڭداپ وتىر. حالىقارالىق ۇيىم ءتىپتى ا ق ش- قا ەسكەرتۋ جاسادى. باس حاتشى انتونيو گۋتتەريش: «پرەزيدەنت دونالد ترامپ يرانداعى ەلەكتر ستانسالارى مەن كوپىرلەرگە شابۋىلداۋدى بۇيىرسا، بۇل حالىقارالىق قۇقىققا قايشى»، - دەدى.
وسىعان دەيىن قۇراما شتاتتار يراندا تەگەران مەن كارادجا قالالارىنىڭ اراسىن جالعايتىن ۇلكەن كوپىردى قۇلاتقان ەدى. ءبىراق اق ءۇي باسشىسىنىڭ ءوزى مۇنى مۇلدە اسكەري قىلمىس سانامايتىنىن مالىمدەگەن بولاتىن.
ستەفان ديۋجارريك، ب ۇ ۇ وكىلى:
- باس حاتشى انتونيۋ گۋتەرريش تاراپتاردى حالىقارالىق قۇقىقتى ساقتاۋعا شاقىرادى. سونداي-اق، ول ازاماتتىق نىساندارعا، ونىڭ ىشىندە ەنەرگەتيكالىق ينفراقۇرىلىمعا شابۋىل جاساۋعا بولمايتىنىن ەسكە سالادى. ءتىپتى ناقتى ءبىر ازاماتتىق ينفراقۇرىلىم اسكەري ماقساتتا قاراستىرىلعان كۇننىڭ وزىندە، وعان جاسالعان شابۋىلدىڭ سالدارى بەيبىت تۇرعىندارعا زيان كەلتىرمەۋى ءتيىس. جالپى، حالىقارالىق داۋدى تەك بەيبىت جولمەن شەشۋدەن باسقا ءتيىمدى جولى جوق.
