ازىق-تۇلىك كورپوراتسياسىنىڭ باسشىلارى ۇستالدى

سىبايلاس جەمقورلىققا قارسى قىزمەت ەلدىڭ ازىق-تۇلىك قاۋىپسىزدىگىن قامتاماسىز ەتۋ، ستراتەگيالىق شيكىزات - استىقتى جىمقىرۋعا جول بەرمەۋ ماقساتىندا «ازىق-تۇلىك كەلىسىمشارتتىق كورپوراتسياسى» ۇ ك» ا ق قىزمەتىندە جەمقورلىق قۇقىق بۇزۋشىلىقتاردى انىقتاۋ بويىنشا جۇمىس جۇرگىزىپ جاتىر.

ناتيجەسىندە جەمقورلىق قىلمىسى بويىنشا «ازىق-تۇلىك كورپوراتسياسى» وڭىرلىك فيليالدارى مەن ۆەدومستۆولىق باعىنىستى ۇيىمدارىنىڭ ءبىرقاتار باسشىسى ۇستالدى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

استىق ۇرلاۋ فاكتىلەرىن جاسىرۋ ءۇشىن پارا بەرۋ كەزىندە استىق بازالارىنىڭ بۇرىنعى ديرەكتورى مەن ونىڭ كومەكشىلەرى قولعا ءتۇستى. سونىمەن قاتار جاسالعان قىلمىستى جاسىرۋ كەزىندە استىق بازالارىنىڭ بۇرىنعى ديرەكتورى مەن ونىڭ سەرىكتەستەرى ۇستالىپ، پارا بەرۋگە ارەكەت جاساعاندار اشكەرەلەندى.

قازىر كۇدىكتىلەر سوت سانكتسياسىمەن قاماۋعا الىندى. سوتقا دەيىنگى تەرگەۋ جۇرگىزىلىپ جاتىر. سونىمەن قاتار استانا قالاسىندا قارجى دەپارتامەنتىنىڭ ديرەكتورى مەن «ازىق-تۇلىك كورپوراتسياسى» ا ق باس مەنەدجەرىنە قاتىستى تەرگەۋ اياقتالدى. تەرگەۋ بارىسىندا ولار ءبيداي تۇرىندە تاۋارلىق نەسيە بەرگەنى ءۇشىن كوممەرتسيالىق ۇيىم باسشىسىنان 800 مىڭ تەڭگە سوماسىندا پارا العانى انىقتالدى. ايىپتالۋشىلار سوتقا تارتىلدى.

ارنايى جەدەل-ىزدەستىرۋ ءىس-شارالارى كەشەنىنىڭ ناتيجەسى بويىنشا «ازىق-تۇلىك كورپوراتسياسى» ا ق قوستاناي وبلىستىق وكىلدىگى ديرەكتورىنىڭ ارەكەتى اشكەرەلەندى.

ول ج ش س وكىلىنەن 100 مىڭ توننا ءبيداي كولەمىندە تاۋارلىق نەسيە الۋ ماسەلەسىن كەدەرگىسىز شەشكەنى ءۇشىن 350 مىڭ تەڭگە سوماسىندا پارا الدى دەگەن كۇدىككە ءىلىندى. قازىر سوتقا دەيىنگى تەرگەۋ جۇرگىزىلىپ جاتىر.

«قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەلىنگەن حابارلامادا.