ازىلكەش تۇرسىنبەك قاباتوۆ اۋرۋحاناعا ءتۇسىپ قالدى

استانا. قازاقپارات - ازىلكەش تۇرسىنبەك قاباتوۆ اۋرۋحاناعا ءتۇسىپ قالعان. بۇل تۋرالى ول الەۋمەتتىك جەلىدەگى پاراقشاسىندا ءبولىستى.

«دەنساۋلىعىما بايلانىستى اۋرۋحاناعا جاتىپ قالدىم. سول سەبەپتى 45 جاس دەپ جوسپارلاعان كونسەرتتەرىمدى 2025-جىلعا اۋىسقانىن حابارلايمىن! وزدەرىڭىزدى كورۋگە اسىقپىن!» - دەپ جازدى ول.

ەسكە سالايىق، بۇعان دەيىن تۇرسىنبەك قاباتوۆ قاماۋعا الىنعان ەدى.

استانا قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتىنىڭ قاۋلىسىنا سايكەس، ايىپتالۋشى - ازىلكەش تۇرسىنبەك قاباتوۆ استانا قالالىق اكىمشىلىك قۇقىقبۇزۋشىلىق ىستەر جونىندەگى مامانداندىرىلعان اۋدانارالىق سوتى ۇساق بۇزاقىلىق جاساعانى ءۇشىن ايىپتالعان ادامعا قاتىستى ءىستى قارادى (ا ق ب ت ك- ءنىڭ 434-بابىنىڭ 1-بولىگى).