ازيادا: مەدالدار كەستەسىندە قازاقستان قۇراماسى قاي ورىندا تۇر
قىتايدىڭ حاڭجوۋ قالاسىندا ءوتىپ جاتقان ازيا ويىندارىنىڭ ءۇشىنشى جارىس كۇنىندە قازاقستان قۇراماسىنىڭ مەدالدار كەستەسىندە قاي ورىندا تۇرعانى بەلگىلى بولدى، دەپ حابارلايدى قازاقپارات ءتىلشىسى.

قىتايدىڭ حاڭجوۋ قالاسىندا ءوتىپ جاتقان ازيا ويىندارىنىڭ ءۇشىنشى جارىس كۇنىندە قازاقستان قۇراماسىنىڭ مەدالدار كەستەسىندە قاي ورىندا تۇرعانى بەلگىلى بولدى، دەپ حابارلايدى قازاقپارات ءتىلشىسى.
26-قىركۇيەكتە قازاقستان قۇراماسى مەدالدار كەستەسىندە 15-ورىننان 16-ورىنعا تومەندەدى.
ءۇشىنشى جارىس كۇنىندە قازاقستاندىق سپورتشىلار 4 مەدال الدى.
وقۋ اتۋدا قوزعالمالى نىسانا كوزدەۋ سايىسىندا ەرلەر قۇراماسى ساپىندا باقتيار يبرايەۆ، اندرەي حۋدياكوۆ جانە اسادبەك نازيركۋلييەۆ ەكىنشى ورىن الدى.
ال قولا جۇلدەگە دزيۋدوشى نۇرلىحان شارحان (100 كەلىگە دەيىن)، سەمسەرلەسۋشى ەلمير ءالىمجانوۆ، مەرگەندەر يسلام ساتپايەۆ پەن الەكساندرا لە بىرگە قول جەتكىزدى.
مەدالدار كەستەسىندە قىتاي 95 مەدالمەن (53 التىن، 29 كۇمىس جانە 13 قولا) جەكە دارا كوش باستاپ تۇر. ەكىنشى ورىنداعى وڭتۇستىك كورەيانىڭ 49 (14 التىن، 16 كۇمىس، 19 قولا)، ءۇشىنشى ورىنداعى جاپونيانىڭ 46 مەدالى (8 التىن، 20 كۇمىس جانە 18 قولا) بار.
العاشقى وندىقتاعى قۇرامالار ءتىزىمى:
- قىتاي - 53-29-13 (69)
- وڭتۇستىك كورەيا - 14-16-19 (49)
- جاپونيا - 8-20-18 (46)
- وزبەكستان - 5-6-11 (22)
- گونكونگ - 5-4-10 (19)
- ءۇندىستان - 3-3-6 (9)
- يندونەزيا - 3-1-5 (6)
- تايۆان - 2-2-3 (8)
- تايلاند - 2-0-5 (7)
- يران - 1-4-5 (10)
- قازاقستان - 0-2-7 (9).