ازيادا جەڭىمپازى اسەم ورىنباي پرەزيدەنتتى تويىنا شاقىردى

 ⅩⅨ جازعى ازيا ويىندارىنىڭ ستەند اتۋدان ەكى دۇركىن جەڭىمپازى جانە قولا جۇلدەگەرى اسەم ورىنباي پرەزيدەنت قاسىم- جومارت توقايەۆتى وتاۋ قۇرۋ تويىنا شاقىردى، دەپ حابارلايدى Kazinform.

«قۇرمەتتى قاسىم- جومارت كەمەل ۇلى، قادىرمەندى دوستار! وزدەرىڭىز كورگەندەي بيىلعى ازيا ويىندارىندا باسەكە جوعارى بولدى. دەگەنمەن، ءبىز قالايدا جەڭىسكە جەتۋ كەرەك دەپ ماقسات قويدىق. سول ماقساتىمىزعا جەتىپ وتىرمىز. بۇل جولى دا بىزبەن بىرگە جاتتىقتىرۋشىلار جانە سپورت سالاسىنداعى كوپتەگەن مامان تەر توكتى. دايىندىققا فەدەراتسيا دا كوپ ۇلەس قوستى. سوندىقتان بۇل ءبىزدىڭ ورتاق جەڭىسىمىز دەپ بىلەمىن. بارشاعا العىس ايتامىن!»، - دەدى اسەم ورىنباي بۇگىن پرەزيدەنتپەن كەزدەسۋدە.

سپورتشىنىڭ ايتۋىنشا، بىرلەسكەن جۇمىس بولماسا، ناتيجەگە قول جەتكىزۋ مۇمكىن ەمەس.

«سەبەبى ءبىزدىڭ سپورت ءتۇرىنىڭ وزىندىك ەرەكشەلىكتەرى بار. بۇل جەردە تەك فيزيكالىق كۇش ەمەس، سونىمەن قاتار جۇيكە مىقتىلىعى ماڭىزدى ءرول اتقارادى. ءبىز ەلىمىزدىڭ اتىن شىعارۋعا بارلىق كۇش- جىگەرىمىزدى جۇمسايمىز. كەلەر جىلعى وليمپيادا ويىندارىندا جوعارى ناتيجە كورسەتۋ ءۇشىن كۇش سالامىز. ۋادە بەرەمىز!

قۇرمەتتى قاسىم- جومارت كەمەل ۇلى، مەن سپورتتىڭ ارقاسىندا ءوزىمنىڭ بولاشاق جارىمدى كەزدەستىرىپ وتىرمىن. ول دا سپورتشى. قاراشا ايىندا بىزدە توي بولادى. ءسىزدى تويىمىزدىڭ قادىرلى قوناعى بولۋعا شاقىرامىز»، - دەدى ازيا ويىندارىنىڭ جەڭىمپازى.

ايتا كەتەيىك، بۇگىن مەملەكەت باسشىسى قاسىم- جومارت توقايەۆ استانادا ازيا ويىندارىنىڭ جۇلدەگەرلەرىن قابىلدادى.