21:43, 28 - قىركۇيەك 2023 | GMT +5
ازيادا: ادىلبەك مۋسين ەكىنشى مارتە قولا الدى
قازاقستاندىق سۋعا ءجۇزۋشى ادىلبەك مۋسين قىتايدىڭ حاڭجوۋ قالاسىندا ءوتىپ جاتقان XIX جازعى ازيا ويىندارىندا ەرلەر اراسىندا 50 مەترگە باتتەرفلياي ادىسىمەن جۇزۋدە قولا الدى، دەپ حابارلايدى قازاقپارات ءتىلشىسى.

قازاقستاندىق سپورتشى اتالعان سايىس تۇرىندە ەلىمىزدىڭ اتىنان جالعىز ءوزى سىنعا ءتۇستى. ناتيجەسىندە مارەگە ءۇشىنشى بولىپ كەلدى.
بۇل - ازيا ويىندارىندا ەل قۇراماسى قورجىنىنا تۇسكەن 22-مەدال.
ەسكە سالساق، ول بۇدان بۇرىن 100 مەترگە butterfly ادىسىمەن جۇزۋدە 51.98 ۋاقىت كورسەتكىشىمەن ءۇشىنشى بولىپ كەلدى.
ازيا ويىندارى 23- قىركۇيەك پەن 8- قازان ارالىعىندا وتەدى.
ەلىمىزدىڭ اتىنان ءدۇبىرلى دودادا 30 سپورت تۇرىنەن 524 قازاقستاندىق (262 ەر، 262 ايەل) ساڭلاق باق سىنايدى.