22:45, 29 - قىركۇيەك 2023 | GMT +5
ازيا ويىندارى: سۋ دوبىنان قازاقستان ايەلدەر قۇراماسى تايلاندتى جەڭدى
قىتايدىڭ حاڭجوۋ قالاسىندا ءوتىپ جاتقان XIX جازعى ازيا ويىندارىندا سۋ دوبىنان قازاقستان ايەلدەر قۇراماسى ءتورتىنشى كەزدەسۋىندە تايلاندتان باسىم ءتۇستى، دەپ حابارلايدى قازاقپارات ءتىلشىسى.

ەل قۇراماسى ءتورتىنشى كەزدەسۋىندە تايلاندتى 13:8 ەسەبىمەن جەڭدى.
بۇعان دەيىن قازاقستاندىق سپورتشىلار وڭتۇستىك كورەيانى 24:4، سينگاپۋردى 12:6 ەسەبىمەن تىزە بۇكتىرىپ، قىتايعا 8:17 ەسەبىمەن ەسە جىبەردى.
ءۇش تۋردان كەيىن ولار 6 ۇپايمەن تۋرنير كەستەسىندە ءۇشىنشى ورىندا تۇر. العاشقى ەكى ورىنداعى جاپونيانىڭ – 8، قىتايدىڭ - 6 ۇپايى بار.
ەندى ەل قۇراماسى 30-قىركۇيەكتە جاپونيا، 1- قازاندا وزبەكستانمەن كەزدەسەدى.